Jinnixonada bir kuni jinnilarni sur’atini olib uydagilarga jo`natishayotgan ekan.
Bir jinnini sur’atga olishga navbat kelganda. U sur’atchini tashqariga chaqirib daraxt ortiga berkinib olib "sur’atga oling" - debdi.
Sur’atkash qarasa, daraxtdan boshqa narsa yo`q emish.
— Daraxtni rasmini jo`natasanmi, - desa.
— Yo`q, men ota-onam sur’atdagi daraxtga qaraganda, daraxt ortidan «pa» - deb, chiqaman, - debdi.

Poshsho bir kuni katta ziyofat berdi. Unda Afandi ham bo`lib, yonidagi kishi bilan quyuq suhbatlashar edi. Poshsho uni xijolat qilish uchun yoniga kelib:
— Kim biladi, qanday yolg`onlarni valaqlayapsan,— dedi.
— Nima qilay, shohim,— javob berdi Afandi,— lof aralashmasa bo`lmas ekan, do`stimga sizning odilligingiz haqida gapirib beryapman.

Bir odam ko`chada 100 dollarlik pulni qalbaki emasligini tekshirish uchun quyoshga tutib tomosha qilib tursa yoniga bir GAI xodimi kelib:
— Mashinada emasmisiz?
— Yo`q!
— Afsus!

Bir kishi yosh bolaga:
— Xey bola, kim o`rgatdi senga so`kinishni?
Bola:
— Kim o`rgatdi emish, nima odamda tug`ma iste’dod bo`lmaydimi?

Er-xotin televizor ko`rib o`tirib, xotiniga eri:
— Leopard rosa tez yuguradi-de, xozir kiyikni yeb qo`yadi debdi
Shunda xotin eriga qarab:
— Agar kiyik tirik qolsa, ikkinchi xotin olishizga ruxsat beraman, debdi.

Xodimi o`z boshlig`idan ruxsat so`ramoqda:
— Javob bering iltimos, mening tog`am kasalxonada ekan. Boshliq unga raxmi kelib javob beribdi.
Ishdan so`ng stadionga tushgan boshliq u yerda o`z xodimini uchratib qolibdi.
— Iye, sen tog`angni oldiga kasalxonaga borishing kerak edi-ku?!!
— Hozir xo`jayin shoshmay turing, tog`am mana shu o`yinga hakamlik qilmoqda, o`yin tugasin, keyin aniq kasalxonaga tushadi.

Qish. Jinnixonadan jinnilar yarim oqshom qochib chiqishib, jinnixona omborxonasining tomiga olov qo`yishibdi. Buni ko`rgan doktorlar o`t o`chiruvchilarga xabar berishibdi. Yetib kelgan o`t o`chiruvchilar birinchi bo`lib tomdagi jinnilarni qutqarmoqchi bo`lishibdi. Shunda jinnilardan bittasi ularga qarab:
— Ha, yaramaslar biz qiynalib o`t yoqqanda birontang yo`q eding. Endi isinmoqchimisizlar? Yo`qolinglar isinishga qo`ymaymiz, - dermish.

Avtomobilga yonilg`i quyish shoxobchasida:
— Sizni ogohlantirib qo`yay, bugundan benzinning narxi oshdi.
— Yaxshi, menga kechagi benzindan ellik litr quying.

Oq qand yangi chiqqan vaqtda Afandi taajjublanib qandfurushdan so`radi:
— Aka, bu nima? Rohatijonning qurug`i desam, shinnisi ko`rinmaydi...
Qandfurush tushuntirib berdi:
— Bu - qumshakarning yirigi, yangi chiqdi. Buni oq qand deyiladi.
— Jinday chashna bering-chi?
Afandi oq qanddan bir chaqmog`ini og`ziga solib so`rgan edi, huzur qilganidan badanlari yayrab, ko`zlari suzilib ketdi.
— Shunday yaxshi narsani sotasizmi,— dedi Afandi yutinib,— uyingizga oborib bola-chaqangiz bilan so`rishmaysizmi?!

Bir kuni adabiy jurnal muharririga she’r qo`lyozmasi yuborildi. She’r «Men nechun tirikman?» deb atalarkan. She’rning o`zi esa juda uzun va zerikarli ekan. Muallifga juda qisqa javob jo`natildi: «Siz she’ringizni pochta
orqali yuborganingiz uchun tiriksiz. Agar uni idoramizga o`zingiz olib kelganingizda, shubhasiz, bu yerdan tirik chiqmasdingiz»