Maktabda o`quvchisi sinfdoshini uyiga borib, eshik qo`ng`irog`ini bosgan ekan, do`stini onasi eshikni ochibdi. Haligi bola unga:
— Salom xolajon! Akbar uydami, - deb so`rasa,
— Ha uyda! Lekin ovqatlanyapti. Balki sen ham ovqatlanishni xohlarsan, - debdi.
— Ha xohlayman, - desa,
— Bo`pti, unda sen ham uyingga borib ovqatingni yegin, keyin kelarsan, - dermish.

Maktab o`quvchisi Shokirdan so`rashibdi:
— Shokirjon ayt-chi, Afrika uzoqmi, yaqinmi?
— Yaqin, - debdi Shokir.
— Nega unday deyapsan? - deyishsa, u:
— Yuqori sinfdagi negr bola maktabga har kuni velosipedda kelib-ketadi-yu?!

Birinchi talaba ikkinchi talabadan so`radi:
— Sizningcha, birinchi bo`lib, qaysi vahshiy jonivorlar paydo bo`lgan?
— Ilk davrlarda Rektozavrlar paydo bo`lgan. U o`z zahira manbai qilib Dekanazavrlarni chorlay boshlagan.
— Dekanazavrlar nima bilan oziqlangan?
— Bu davrga kelib, Talabazavrlar dunyoga kelgan. Ular bir yilda ikki martta o`z boshidan og`ir kunlarni o`tkazishgan.
Bu davr Sessionlik davridir. Bu davrda ko`pchilik talabalar qirilib ketgan. Faqatgina chaqqon Talabazavrlar Tankazavrlar orqali jon saqlab qolishgan.

Odamxo`rlar talabani tutib olishdi. Boshlig`i dedi:
— Buni qozonga solib, asta-sekinlik bilan aylantirib qovuringlar!
Bir soatdan keyin kelsa, talabani kuchlarining boricha aylantirishyapti.
— Men sizlarga sekin aylantirib qovuringlar demaganmidim?
— Sekin aylantirsak, qozondagi kartoshkalarni yeb qo`yyapti.

Institutda imtihon ketmoqda. Hamma talabalar test variantlarini ishlab o`tirishibdi. Faqat bir talaba tanga tashlab, variantlarni belgilayotgan ekan. Domla uni kuzatib turib, hammadan oldin tamomlasa kerak, deb o`ylab qo`yibdi.
Barcha talabalar imtihon javoblarini topshirib ketishibdi. Haligi talaba hali ham tanga tashlab o`tirganmish. Domlani sabri chidamay, talabani yoniga borib:
— Imtihon vaqti tugadi. Javoblarni belgilashga ulgurdingizmi, - desa, talaba:
— Ha ulgurdim, - debdi, - qayta tekshirib chiqyapman, - dermish.

Institutda oxirgi dars. Talabalar charchab, o`qituvchidan iltimos qilishmoqda:
— Javob bera qoling, juda-yam charchadik...
O`qituvchi:
— Yaxshi. Mana shu qo`limdagi ruchkaning siyohi tugasa, uyga ketasizlar.
Talabalardan biri:
— Ruchkangizni bering. Men siyohini ichib yuboraqolay!

Muallima beshinchi sinf o`quvchisidan so`radi:
— Tasavvur qil, kissangda 1000 so`m puling bor. Sen dadangdan yana 1000 so`m so`rading. Hammasi bo`lib kissangda necha pul bo`ladi?
— 1000 so`m.
— Obbo, sen-chi, Qo`shmat, matematikani umuman bilmaysan!
— Ustoz, siz esa mening dadamni bilmaysiz.

Maktabda dars boshlanib, o`qituvchi o`quvchilarga debdi:
— Hozir oraliq imtihon topshirasizlar!
Bir o`quvchi:
— Kalkulyatordan foydalansak bo`ladimi?
O`qituvchi:
— Ha bo`ladi.
Yana bir o`quvchi:
— Mendeleev jadvalidan-chi?
O`qituvchisi:
— Albatta mumkin! Demak, yozib oling, imtihon mavzusi: "Ikkinchi jahon urushi".

Yosh o`qituvchi sinfga kirib kelib:
— Salom bolajonlar, - desa, sinfdagi bolalar bir ovozdan:
— Yo`qol, chiqib ket! - deb baqirishibdi.
Qo`rqib ketgan yosh o`qituvchi direktor xonasiga yugurib kirib, vaziyatni tushuntirsa, direktor:
— Bu sinf o`quvchilariga avval "qarmoq" tashlab ilintirib olish kerak. keyin dars boshlaysiz. Yuring ko`rsataman, - deb sinf eshigini tepib kiribdi-da:
— Orangizda kim globusni koptok qilib o`ynay oladi? - so`rabdi.
O`quvchilar:
— Globus nima o`zi? - deyishibdi.
— Globus haqida yangi o`qituvchingiz gapirib beradi, - degan ekan.

— Menga juda kuchli budilnik kerak.
— O, ayni vaqtida keldingiz. Bizda zo`ri bor. Avval o`t o`chiruvchilarning sirenasi chalinadi, uning ortidan artilleriya ovozlari eshitiladi. Bu ham foyda bermasa, ustingizga bir chelak sovuq suv sepadi. Shundan keyin ham o`rningizdan turmay yotaversangiz o`zi ishxonangizga qo`ng`iroq qilib, sizning kasal bo`lganingizni bildirib qo`yadi.
— Kuchsizlik qilmasmikan?..
— Yana bittasi bor. Yuqoridagilarni bajarganidan keyin ham uyg`onmasangiz, go`rkov bilan domlani ham qidirib topib keladi.