— Onasi, o`g`limizni bog`chadan olib keldim!
— Nimalar deyapsiz? Kimni bolasi bu? Bizni o`g`limiz maktabga chiqqaniga 2 yil bo`ldi-ku!

Bolakay maktabdan kelib dadasidan so`radi:
— Dada,siz ham muallimani sevib qolganmisiz?
— Ha!
— Keyin-chi, keyin nima bo`lgan?
— Keyinmi? Keyin oying seni boshqa maktabga o`tkazib qo`ygan!

Universitetni tamomlagan chiroyli, yosh qiz maktabga nemis tilidan dars berish uchun kelibdi. Maktab direktori yosh o`qituvchini tekshirish maqsadida, u dars o`tayotgan xonaga kirib, oxirgi partadagi o`quvchining yoniga joylashibdi. Yosh muallima doskaga nemis tilida jumla yozib, bolalardan so`rabdi:
— Qani, kim doskadagi yozuvni tarjima qiladi?
Orqa partada, direktorni yonida o`tirgan bola qo`lini ko`tarib:
— Bugun uchrashsak bo`ladimi? deb yozilgan ustoz, - desa, o`qituvchini jahli chiqib:
— Nima? Voy tarbiyasiz-yey! Narsalaringni yig`ishtir-da, yo`qol!!!
Bola narsalarini yig`ishtirib, direktorga qarab, yig`lamsirab debdi:
— Nemischani tarjima qilishni bilmaskansiz, nima qilardingiz menga o`rgatib?!...

Bir bola otasiga maqtayapti:
— Ada, sinfdagi eng yalqov bola endi men emasman!
— Nega? Yaxshi o`qiy boshladingmi?
— Yo`q, bugun mendan ham yalqovroq bola keldi sinfimizga!

Travmatolog vrach malaka oshiruvchi talaba bilan birga bemorni ko`zdan kechiryapti. Vrach:
— Mana qarang, bosh suyagi lat yegan.
Talaba:
— Balki, bosh-miya suyagidir?!
Vrach:
— Esing joyidami? Miya bormi bunda?! Miyasi bor odam, xotinini tug`ilgan kuniga jazmanini boshlab keladimi?! Mana endi, nima ahvolda yotibdi...

Talaba adabiyotdan imtihon topshiryapti. Yozuvchini tug`ilgan yili esida-ku, vafot etgan yili esida yo`q ekan. O`qituvchi:
— Yozuvchini vafot etgan yilini ayting!
Talaba:
— Uni o`ldi deyishga tilim bormaydi. U men uchun doim tirik!

O`qituvchi so`rayapti:
— Ho`sh Asad, do`sting sendan 5000 so`m pul olib, 4000 so`mini sarfladi. Senga necha pul qaytaradi?
— Bir so`m ham qaytarmaydi, ustoz!
— O`tir joyingga, bahoing "ikki"! Matematikani umuman bilmaysan!
— Yo`q ustoz, siz meni do`stlarimni mutlaqo bilmas ekansiz...

Maktab yonidan o`tuvchi mashina yo`li chekkasidagi yozuv:
"Ehtiyot bo`ling! Bolalar! Urib yubormang!"
Ushbu yozuv tagida bolakaylarning egri-bugri yozuvi qo`shimcha qilingan:
"Biroz kuting! O`qituvchimiz chiqadilar!"

O`g`li matematika fanidan "2" baho olib kelibdi.
Ota:
— Nega "2" olding?
O`g`il:
— Ustozim 2+3 nechi bo`ladi dedilar. Men 5 dedim.
Ota:
— Xo`sh?
O`g`il:
— 3+2 nechi deb yana so`radilar.
Ota:
— Tentak. Ahmoq. Esing joyidami? Ikkalasi ham bir xil-ku!
O`g`il:
— Men ham unga huddi shu so`zlarni aytdim-da!

Fizika o`qituvchisi Azizga yer shari qanday aylanishini tushuntirib beribdi.
Aroqxo`r qo`shnisi Toshpo`lat aka esa Azizga yer nima uchun aylanishini gapirib beribdi.