— Oyijon, keling, o`yin o`ynaymiz.
— Qanaqa o`yin?
— «Hayvonot bog`ida» degan o`yin. Biz qafasdagi hayvonlar bo`lamiz, siz esa tomoshabin bo`lib bizga olma, konfetlar tashlaysiz.

Telefonda hovliqqan ovozda bir ayol:
— Allo, bu kasalxonami?
— Yo`q, bu qabriston!
— Uzr unda! Sizlarga murojat qilishimga sal ertaroq...
— Hechqisi yo`q, biz kutamiz.

Bir kuni o`rmonda toshbaqa bilan quyon ketayotishsa, toshbaqa:
— Hoy quyon, sal sekinroq yur! Qayoqqa shoshilyapsan?
Quyon:
— Umr g`animat, o`shanga, - debdi.
— O`zinchi? Nega sekin yuryapsan.
Toshbaqa:
— Shoshib nima qildim? Kamida yuz yil yashayman, - dermish.

— Aka, "Omadli uylanish" nima degani?
— Omadli uylanishmi? Bu zaharli ilonlar to`la qopni ichiga qo`lingni tiqib, zaharsiz ilonni topish degani!

Tibbiy ko`rikdan o`tayotib, peshobimni Fanta ni idishida olib boribman...
Labaratoriyadagi qizlar bo`lsa menga qarab:
— Voy nima qilardingiz ovora bo`lib, rahmat, - deb yuborishdi.

— Senga umringda birortasi "go`zal" deb aytganmi?
— Ha. Bozorda, — Kartoshkadan olib keting, go`zal qiz! - deb aytishgan...

Tadbirkorlikni boshlamoqchi bo`lgan yigit suhbatdan o`tmoqda.
Huquqshunos:
— Do`stim, siz hamisha qonunlarga tayanib ish qilasizmi?
Yigit:
— Albatta! Masalan, men Ahmadboyga pul berganlar ro`yxatida yo`qman.

Afandini ikkita xotini bo`lgan ekan. Kunlarning birida afandidan birinchi xotini so`rabdi:
— Qaysi birimizni ko`proq sevasiz?
— Ikkovingni-yam birdek sevaman, - debdi afandi.
— Agar ikkala xotiningiz cho`kayotgan bo`lsa, kimni birinchi qutqarasiz? - so`rabdi yana xotini. Afandi bo`lsa:
— Sen suzishni bilasan-ku..., - dermish.

O`g`li otasini ko`kargan ko`ziga qarab:
— Ada, ko`zingizga nima bo`ldi? - desa, otasi g`azablanib:
— Agar meni mashinamda dugonalaringni lab bo`yog`i yana tushib qolgudek bo`lsa, ikkinchi ko`zim ham shu ahvolga tushadi!

Kuyovjo`ra kuyovdan so`rayapti:
— To`ydan keyin labingga uchuq toshib ketibdimi? Nimadan bunchalik qo`rqib ketding...?
— E-ey, to`yxonada qaynonam uchta bo`lib qolganini ko`rdim.
— Ular qaynonangni opa-singillari edi-ku...