Do`stidan sira qarzini undira olmagan yigit oxiri yo`lini topdi. O`zicha goroskop tuza boshladi. Do`sti goroskoplarga qattiq ishonardi. U so`radi:
— Sen qaysi burjda tug`ilgansan?
— Chayon burjida.
— Goroskopingni o`qidingmi?
— Yo`q.
— O`qib ko`r.U yerda quyidagi jumlalar bitilgandi:
— Shu haftada barcha qarzlarni egalariga qaytarmasangiz, hafta oxirida sizni ko`ngilsizliklar kutadi.

— Azizim, istaysizmi, sizga yuragimni hadya qilaman?
— Sen oldin asablarimni qaytar.

Ikki hamshira ishga keldi. Birining ko`zlari ko`karib ketgandi. Ikkinchisi undan so`radi:
— Ko`zingga nima qildi?
— E, bugun ertalab uyg`ondim-da, erimga qarab: «Siz qaysi palatadansiz?» debman.

— Hisoblab ko`rsam, ikki yil birga yashab qo`yibmiz… Azizim, sizga juda o`rganib qolgan ekanman. Hatto sizsiz borliqni, hayotimni tasavvur eta olmasdim. Biz bir umr birgalikda umrguzaronlik qilamiz, bir-birimizni ardoqlaymiz, sevamiz deb o`ylardim. Afsuski, unday bo`lib chiqmadi. Men endi sizga munosib emasligimni anglab yetdim. Muhabbatim, sizga bo`lgan chek-chegarasiz mehrim o`z xohishim bilan sizdan voz kechishga majbur etdi. Chunki bilaman, sizni men bilan ko`rishsa, ko`chadagilar ustingizdan kulishadi, masxaralashadi, sizni oyoq uchida ko`rsatishadi. Sevgan ko`nglim esa bu savdolarni sira ko`tara olmaydi. Ammo bilamanki, siz ham meni hech qachon unutmaysiz. Ahyon-ahyonda bo`lsa-da, yodga olasiz, birga o`tkazgan tunlarimizni, bir-biridan yorug` kunlarimizni eslab entikasiz, sog`inasiz.
Alvido, azizim, alvido!
Sizni Yaratganning panohiga topshirdim!
Sizga cheksiz muhabbat bilan:
Bolalikdagi So`rg`ichingiz!

Zamonaviy reklamadan:
— Turmush o`rtog`ingiz maoshingiz kamligini yuzingizga solib tinchlik bermayaptimi? Keyingi kunlarda qo`shni ayol ko`zingizga«issiq»ko`rina boshladimi? Qaynonangiz qiziga gap o`rgatib joningizga tegyaptimi? Qaynilar hadeganda do`qlab asabingizni buzyaptimi? Qaynsingillar sizga ola qarayaptimi?...
Zudlik bilan qo`lingizga smartfoningizni oling-u, Qoraqamish va talabalar shaharchasi orasidagi kichik bog`ga boring!
Aytishlaricha… Shu bog`da«pokemon»lar ko`pmish!

"Odno" bir kirguncha,
Paynetga ming kirasan.

Hiyobonda. Yigit va qiz qo`l ushlashib ketishyapti. Oldilaridan gulchi xotin chiqib qoldi.
- Bolam, qizingga gul olib bersangchi. Bu yerda turaverib sovuq qotib ketdim.
— Nechi pul bittasi?
— 10ming so`m.
— Xolajon, issiqroq kiyinib olmabsizda…

Yosh bola dadasidan so`rayapti:
— Dada hayot bilan ertakni qanday farqi bor, debdi.
Dadasi: O`g`lim, Ertakda bir shahzoda qurbaqani sevib qolib unga uylanadi. Uylangandan keyin o`sha qurbaqa malikaga aylanadi. Hayotda esa teskarisi, avval malika bo`ladi, uylanganingdan keyin qurbaqaga aylanib qoladi debdi.

— Doktor, iltimos, xoziroq keling. Xotinimning appendisiti qattiq bezovta qilyapti!
— Xavotirlanmang, 2 yil oldin xotiningiz appendisitini kesib olib tashlaganman. Bir odamda appendisit ikkinchi marotaba o`sib chiqmaydi!
— To`g`ri, doktor. Lekin odamda ikkinchi xotin paydo bo`lishi mumkin.

Hech e`tibor berganmisiz, negadir bolalar poliklinikasi yoki kasalxonasida doim Doktor Aybolit (VoyJonim) rasmlari osilgan. Axir u veterinarku!