Armandan so`rashdi:
— Lo`li o`g`ilchasining tug`ilgan kuniga nima sovg`a qiladi?
— Qo`shnining eshagini.

Erkak do`stidan so`radi:
— Xotining bilan janjallashib turasanmi?
— Ha, ahyon-ahyonda gaplashib ham turish kerak-ku!

Bemor:
— Do`xtir, men yashaymanmi yo o`lamanmi?
Vrach:
— Men vrachman, bashoratchi emasman.

Yigit:
— Yaxshi qiz, bugun kechqurun nima qilasiz?
Qiz:
— Roziman.

O`g`ilchasi onasidan so`radi:
— Oyi, siz birinchi marta dadamni uchratganingizda qanaqa edingiz?
— Jinni edim, jinni!

Ayol dugonasidan so`radi:
— 8 mart qanday o`tdi?
— Voy-y, zo`r o`tdi! Erim qurmag`ur nihoyat mendan bo`sa oldi!
— Meniki bo`lsa, yaponcha kofta sovg`a qildi… Yaramas!

Ayol dorixonaga kirib sotuvchidan so`radi:
— Sizlarda «asetilsalisil» kislotasi bormi?
— Adashmasam, siz aspirinni nazarda tutyapsiz, shundaymi?
— H-ha, o`sha… Aspirin. Nuqul shu so`zni unutib qo`yaveraman-a!

Zamonaviy ertak. Uch og`ayni botirning kenjasi bor ovozda baqirdi:
— Tush deyman yaramas mahluq!
Yaramas mahluq javob qildi:
— Kechirasiz-u, oka, men ikki bekatdan keyin tushaman!

Do`konda. Xaridor sotuvchidan so`radi:
— Tovuqlaringiz hammasi bo`lib nechta?
— Oltita.
— Shunaqami? Unda eski, qarilarini ajrating!
Sotuvchi darrov uchta tovuqni chetga oldi va so`radi:
— O`rayveraymi?
— Yo`q, bular kerakmas, menga qolgan uchtasini o`rang!

Okeanda suzib kelgan shisha idishi ichidan xat topildi. Unda quyidagi so`zlar yozilgan edi:
— Kimsasiz oroldaman. Bu yerda tirikchilik uchun hamma narsa bor. Faqatbu yerda milisiya yo`q, soliq qo`mitasi yo`q, prokuratura yo`q, sud yo`q , mahallakom yo`q, posbon yo`q. Haqiqiy tinchlik deb, mana shuni aytadilar. Hammang alamdan yorilib o`l, ablaxlar!