Bir kuni o`rmonda sherni tug`ilgan kuni bo`libdi. Sher:
— Kim aroqqa borib keladi? - desa, hech kimdan sado chiqmabdi.
Shunda qirq oyoq:
— Men borib kelaqolay, - deb chiqib ketibdi.
Bir soat o`tsa ham, qirq oyoqdan darak yo`q emish. Hayvonlar endi g`iybat qilib turishsa, eshikni qirq oyoq sekin ochib:
— Hammasini eshitib teribman. Endi o`ttiz to`qqizinchi oyog`imga krasovkamni kiyib bo`ldim, - dermish.

Shaharlik yigit bilan qishloqi qiz restoranda o'tiribdi.
Yigit:
- Ofitsant zubachistka bering.
Qiz:
- Bo'ldi, men yemayman qornim to'ydi.

- Ulg`ayganingni qachondan boshlab his etding?
- Qorboboni soqoli paxtadan ekanini bilgan kunimdan boshlab.

Erkak bank boshqaruvchisidan so`radi:
— Men kichik tadbirkorlik bilan shug`ullanmoqchiman. Nima qilay?
— Bu juda oddiy. Katta tadbirkorlikni boshlang va kuting.

Soliqchi firma rahbaridan so`radi:
— Xo`sh, firma do`konida nimalar bilan savdo qilyapsiz?
— Miltiq, patronlar sotamiz, killerlarni yollashda yordamlashamiz.
— Ha-a! Kassa apparati yo`q ekan… Hoynahoy, reviziyachilar ham kelib turishgandir?
— Ha, ikki hafta burun kelishgandi. Ularni Xudo rahmatiga olgan bo`lsin!

Harbiy komissar armiyaga chaqiriluvchidan so`radi:
— Xo`sh, ma`lumoting qanaqa?
— Men Los-Anjeles universitetini, Kolumbiya universitetini tugatganman. Tibbiyot fanlari doktoriman.
— Serjant, yozib qo`ying! Armiyaga chaqiriluvchi o`qish va yozishni bilarkan.

— Xitoyda bolalarni qanday ovqatlantirishadi?
—«Qani, bo`talog`im, endi dadang uchun ham o`nta tayoqcha yegin!»

Kambag`aldan so`rashdi:
— Ayting-chi, orttirgan boyliklaringizni qayerda asraysiz?
— Orzularim og`ushida.

Qo`shni qo`shnidan so`radi:
— Ishlaringiz qalay?
— Afsuski, sizni sira xursand qila olmayman. Ishlarim yaxshi.

Yangi boyning qizchasi onasidan so`radi:
— Oyi, enagamiz meni yaxshi ko`radimi?
— Albatta yaxshi ko`radi.
— Meni yaxshi ko`rishi uchun unga qancha haq to`laysiz?