— Yaxshi yigit, siz uchuvchimisiz?
— Yo`q.
— Nega unda shunday chiroyli qizni oldidan "uchib" o`tyapsiz?

Dorixonada:
— Menga og`riq qoldiradigan dori bering.
— Qayering og`riyapti?
— Kechqurun kundaligimni adamga ko`rsatmoqchi edim.

— Chiroyli bir qiz bilan tanishmoqchi edim. Endi gap boshlashimni bilaman, o`zidan-o`zi baqira ketdi:
— "Yo`qol! Bu ayollar hojatxonasi!!!".

Bir qiz internetda o`tirgan ekan, qo`shni xola kirib:
— Qachon qarasam shu kompyutering oldida o`tirasan. Nima qiziq narsalar bor bu yerda?, - deb so`rab qolibdi.
Qiz esa:
— Internetdagi "Google" ni sizga tushuntiraman. Mana qarang, nimani xohlasangiz topib beradi, - debdi.
Qo`shni ayol ham qiziqib:
— Nima so`rasam hamma-hammasini topib beradimi?
— Ha, xamma narsani topadi. Xohlasangiz mana yozib, izlab ko`ring.
Qiz klaviaturani qo`shni xolaga berib, o`zi choy damlab kelib qarasa, ekranda shunday yozuvlar turgan ekan:
"Assalomu alaykum hurmatli Gugl aka! Iltimos, menga erimning jazmani qayerda yashashini topib bersangiz!"

Bir yigit sevgan qiziga SMS yuboribdi:
— Salom jonim. Bugun ko`rishamizmi?
Qiz:
— Ko`risholmaymiz. Betobman. O`zingiz allamahalda qayerlarda yuribsiz?
— Diskotekada. Orqangga qara, turibman.

— Bu joy qanday mazza, qulay, yoqimli va maroqli!
— Qayerdasan o`zi? Qayerda o`tiribsan?
— Ota-onamni yelkasida.

Axlat tashiydigan mashina orqasidan hayhaylab yugurib ketayotgan do`stini ko`rgan o`rtog`i dedi:
— Nima, mashina bilan kimo`zarga yuguryapsanmi, do`stim?
— Yo`q, - dedi do`sti halloslab, - xotinim eski paypog`imni axlatga tashlab yuboribdi. Ichida xotinimdan berkitgan pullarim bor edi.

— Salom Alisher! Ishlar qalay?
— Qanaqa Alisher?! Meni ismim...
— Anchadan beri ko`rishmaymiz. Sendan pul olgan edim. Shuni qaytarmoqchiman.
— Alisher bo`lsa, mayli Alisher-da!

Adasi to`rt yoshli qizini uxlatmoqchi bo`lib, alla aytib beribdi. Qizini ko`zlari yumulganini ko`rgan otasi:
— Uxlayqol qizim. Hozir tushingda ajoyib ertaklar ko`rayotgan bo`lsang kerak, - debdi pichirlab.
Qizi esa shu zahoti ko`zini ochib:
— Yo`q adajon. Reklama tugamadi hali, - degan ekan.

— Allo, bu texnika anjomlari do`konimi? Kecha sizlardan chang yutgich sotib olgan edim. Juda kuchli ishlaydi degandingiz.
— Eshitilmayapti, qattiqroq gapiring!
— Allo, allo. Men chang yutgich qopchasini ichidaman, allo...