Bir odam to`tiqush sotib olib:
— Xo`sh, menga o`xshab gapira olasanmi?, - deb so`rasa, to`tiqush haligi odamga qarab:
— Men-ku gapirishni bilaman. O`zing-chi, uchishni bilasanmi?, - dermish.

Yigit do`stiga:
— Nima u? Uchib o`tib ketgan?
Do`sti:
— 2016 yil! Uchib o`tib ketdi...

Afandi kechqurun yo`lga chiqibdi. Yo`lni yoritish uchun telefon fonarini yoqibdi. Borar manziliga qo`ng`iroq qilmoqchi bo`lib, cho`ntagiga qo`l solsa, telefon yo`q ekan. Xotiniga qo`ng`iroq qilib:
— Xotin, telefonim uyda qolibdi. Falonchiga qo`ng`iroq qilib, meni ketganligimni ayt, - desa, xotini birozdan so`ng qayta qo`ng`iroq qilib:
— Telefonni topolmadim. Uyiga kirib boravering, - debdi. Afandi jahli chiqib, qarasa telefon qo`lida ekan.

Yo`l patrul xizmati xodimi shubhali mashinani to`xtatsa, ruldagi haydovchi g`irt mast emish.
— Ichib turasizmi haydovchi? - deb so`rabdi xodim.
Haydovchi aroq to`la piyolani unga uzatib:
— Siz bilan birinchi martta, - degan ekan.

— Sen echkisan! Istasang, hozir isbotlab beraman.
— Isbotla-chi?!
— Chelakdan suv ichasan-mi?
— Yo`q!
— Ana ko`rding-mi? Shoxlaring xalaqit beradi-da...!

Yangi yilga ikki kun qolganda rahbar ofisga kirib kelibdi:
— Assalomu alaykum, o`rtoq boshliq!
— Salom. Sen yangi kelganlardansan-a?
— Ha, shunday!
— Topishmoq aytaman top! "Kim ichmaydi, chekmaydi. Yangi yilda navbatchilikda qoladi!"
— ...

Bir kuni quyon o`rmonga yangi Kaptiva minib kelibdi. Bo`ri va boshqa hayvonlar qiziqib:
— Qaysi pulga olding, - deb so`rashibdi, shunda quyon:
— Bir necha yil pul to`plab oldim, - debdi. Bo`riga qarab:
— Sen ham aroq ichavermay, pulingni to`pla, - deb ketibdi.
Ertasiga o`rmonda shovqin-suronmish. Hayvonlar qarasa bo`ri vertolyotda uchib kelibdi.
Hamma hayvonlar vertolyot uchun buncha pulni qayerdan olding, - deb so`rashibdi. Shunda bo`ri, — Hamma aroq shishalarimni topshirib yubordim, - debdi.

— Internetga kirib "Chiroyli, aqilli, qaddi-qomati kelishgan, mehribon qiz bilan tanishmoqchiman" deb yozib o`tirsam, bir zumda orzuimdagi go`zal orqamga kelib qolibdi. Faqat qo`lida o`qlov bilan kompyuterimga qarab turgan ekan...

— Oyi, nega mushugimiz unitazdan suv ichadi?
— Chunki unitazdagi suv muzdek.
— Shunaqami?.. Iye, siz buni qayerdan bilasiz?

Yosh kelin-kuyovlar asal oyini o`tkazish uchun olis qishloqqa borib bir kampirning uyini ijaraga olishdi. Bir kun o`tdi, ikki kun o`tdi. Xonalarida jimlik. Kampir xavotir olib ularni chaqira boshladi.
— Hoy sizlar, tirikmisizlar?
— Ha, tirikmiz.
— Chiqmaysizlarmi? Qornilaring ochmadimi?
— Yo`q, biz muhabbat mevasiga to`yib qoldik, xola!
— Mayli-ku-ya, lekin o`sha mevalaringning po`stlog`ini derazadan irg`itmanglar-da, g`ozlarim tiqilib qolyapti!