Xotin eridan so`radi:
— Azizim, mening ko`zlarim moviy dengizni eslatadimi?
— Ha.
— Sochlarim sharsharaga o`xshaydimi?
— Ha.
— Lablarim atirgul g`unchasi kabi go`zalmi?
— Albatta.
— Oh, xushomad qilganingizda menga shunchalar yoqasizki…

Yangi boyning o`g`li sevgan qizini onasiga tanishtiryapti:
— Oyi, bu Shahnoza. Ajoyib tortlar, piroglar pishiradi, osh damlashni qiyib qo`yadi, uy yig`ishtirishda unga teng keladigani yo`q.
— Juda yaxshi, o`g`lim. Kuniga 20 dollardan to`layman. Seshanba, juma kunlari ishlaydi.

Xotin endi-endi uyquga ketayotgan erini turtib dedi:
— Ishonasizmi, Afrikadagi qaysidir qabila erkaklari xotinlarini sotisharkan. Ayting, siz ham meni sotgan bo`larmidingiz?
— Bu nima deganing, jonim? Men seni tekinga bervorardim, tekinga!

Bolakay dadasidan so`radi:
— Dada, «shohobcha» nima?
— Shohobchami? Mana, masalan, sening tuvaging bor-a?
— Ha.
— O`sha tuvaging unitazimizning shohobchasi hisoblanadi.

Yigit: Yaxshi qiz! Kimni kutyapsiz?
Qiz: Voy nimeydi?!
Yigit: O`g`il bolani kutyapsizmi? Yoki qiz bolanimi?
Qiz: O`gil bolani!
Yigit: Nechchi oylik bo`ldi?! xD

Besh yashar bolakay dadasidan so`radi:
— Dada, oyim sizga nima uchun kerak?
— Nimaga kerak bo`lardi? Hayotimning mazasi asalday shirin bo`lib ketmasligi uchun.

Qari chol-kampir radiopriyomnik sotib olishibdi. Elektrga ulab, qarab turishsa, ishlamabdi. Birozdan so`ng tutun chiqishni boshlabdi.
— Gapirmayapti-ku?! - debdi chol.
— Hozir chekib olsin, keyin gapirar, - dermish kampir.

--Men shunqangi yaxshi insonmanki hatto dushmanlarimning uyida ham doim 4 talab mashina bo`lishini orzu qilaman.
--Aynan qanday mashinalar bo`lishini xohlarding?
-- 01, 02, 03, 04

Er-xotin va qizi ovqatlanayotgan ekan, onasi qiziga:
— Qizim senga nima bo`ldi? Juda xomushsan, ovqatingni yegin, - desa, eri xotiniga:
— Shuniyam bilmaysanmi? Qizingni erga berish kerak, - debdi. Oyisi yanaqiziga:
— Ol qizim, ovqtingni yegin, kasal bo`lib qolasan axir, - desa, eri yana xotiniga:
— Buningni dardi ma’lum, erga berish kerak! - debdi.
Onasi yana qiziga:
— Qizim hozir ovqating sovub qoladi, - desa, qizi:
— Uf-f-f oyi, birpas jim turing! Dadam gapirsinlar! - dermish.

Sevgi faqat boylik aralashganda yosh tanlamaydi.
Nafaqat yosh, millat, chiroy va hattoki joy ham tanlamaydi...