Afandi tepakal edi, sochini oldirib bo`lgach, sartaroshning qo`liga bitta teshik tanga berib ketayotgan edi, sartarosh:
— Afandi, bu tanga o`tmaydi, butunini bering,— dedi.
— Tanganing butunini boshimning tepasiga soch chiqqanida olasiz,—- dedi Afandi.

Xotin eriga:
— Adajonisi, esizdami ko`cha boshidagi chinor, o`sha chinor tagida tanishib bir-birimizga ko`ngil qo`ygandik, mana turmush ham qurdik.
— Esizdami o`zi a?
Er:
— Ha, esimda. Nimaga uni eslab qolding?
Xotin:
— O`sha chinorni yashin urib, yonib ketibdi.
Er:
— Unga bu ham kam...

O`qituvchi:
— Boltaboyev, nega sen Lolani jinni deding? Qani darhol unga afsusda ekanligingni aytchi.
Bola qizni oldiga yaqinlashib:
— Lola meni kechir, jinniligingdan afsusdaman.

Afandi dalada tushlik vaqtida ikki qo`shnisi bilan ovqat yegani o`tirdi. Bitta tog`orachaga go`jani qo`yib, Afandi sherigi bilan unga non to`g`ray boshladi, ikkinchi sherigi esa, tog`orachaga to`g`ralgan nonni indamasdan yeyaverdi. Afandi qo`liga mis cho`michni olib, uning kallasiga urgan edi, sherigi yumalab jon bera qoldi.
Afandi bo`lsa nima qilishini bilmay aytar edi:      
— Non to`g`ra desang, to`g`ramaydi, qoshiqni qo`lidan qo`ymaydi, tog`orachadan ko`zini uzmaydi, sal narsaga o`lib yotib oladi, shu ham sherikmi!

Futbol matchida tomoshabinlardan biri, yonida o`tirgan yosh boladan so`rabdi:
— Sen bunday qimmat bilet uchun pulni qayerdan olding?
— Dadam olib berdi.
— Dadang qani o`zi?
— Uyda... biletni qidiryaptilar.

Bitta bola mast holatda, tungi klubga kirib barmenga:
— Ukam menga 1 metr aroq ber, - debdi.
Barmen hayron bo`lib:
— Okam bizda aroqlar metrlab emas, litrlab sotiladi, - desa
— Menga 1 metr berasan, - deb turib olibdi.
Barmenni kallasi ishlab stolning ustiga bir metr uzunlikda aroq to`kib:
— Mana oka, o`lchab oling, - debdi
Mast bola, o`lchab bo`lib:
— Endi gazetaga o`rab ber, - dermish...

Ba’zi bir semiz qizlar ozish uchun diyeta tutib, turli hil o`tlar va ko`katlarni yeyishadi.
Agar o`t yeb ozish mumkin bo`lganda edi, sigirlar model bo`lardi...

Ikkita zubochistka o`rmonda ketayotsa, yo`lidan tipratikan chiqib qolibdi. Shunda haligi zubochistka sherigiga:
— Qara bu yerda ham avtobus qatnar ekan, - debdi.

Ayblanuvchi siz qabriston oldidagi velosipedni o`g`irlaganingizni tan olasizmi?
— Ha, men uni egasi o`lgan deb o`ylabman.

Er xotinini poyezdga joylab kuzatyapti. Xotin yurayotgan poyezd oynasidan hayrlashyapti.
Shunda er:
— Xotin u yoqda har kimgayam ishonaverma, hozir yomon odamlar ko`p.
— Nima? Eshitmayapman gapingizni...
— Ehtiyot bo`l, o`zingga mahkam bo`l. Kechasi ko`chaga chiqmagin...
— Nima? Baribiram eshitmayapman...
— Eee...Bilganingni qil..
— Haa, ...tushundiiimm...