Eri jahl bilan ZAGS qog`ozini o`qib o`tirsa,
Xotini:
— Voy, jonim nima qivossiz? ZAGS qog`oziga buncha termulib qoldiz, - desa.
Eri xotiniga qarab:
— Amal qilish muddatini qidirayaman, - dermish.

Bir kuni Krishtianu Ronaldu burchakdan to`p tepayotganda to`p o`rniga qattiq toshni tepib hushidan ketib qolibdi. Turib qarasa, shifoxonada. Hamma qora kiyimda. Shunda hayron bo`lib, qora kiyimdagi qora Marseloga qarab:
— Ha, meni o`ldi deb o`yladinglarmi? - desa
— Yo`q, sen tepgan to`pga kalla qo`ygan Ramos o`ldi, - dermish.

Afandi xotini bilan koreys serialini ko`rib o`tirib:
— Xotin seni bugundan boshlab koreyscha ism bilan chaqiraman, - debdi.
Shunda afandining xotini:
— Boy, dadasi menga qanaqa koreyscha ism qo`ydingiz?
Afandi:
— Cenga Num-Yam degan ism qo`ydim xotin, - debdi.
Xotini:
— Dadasi chiroyli ism tanlabsiz menga. Ma’nosi nima? - desa.
— Teskari o`qib ko`r, - dermish.

Bola "Telegram"da o`tirib kun kechirganini sezmay qolibdi. Bir payt eshik taqillabdi.
Bola:
— Eshik ochiq.
Bir pasdan keyin, eshik yana taqillabdi.
Bola:
— Eshik ochiq, kiravering dedim-ku, — desa.
Adasi eshikni ochib:
— Tur-eee, padaringa la’nat hojatxonaga kirganinga besh soat bo`ldi, chiqsang kiramanmi?!

Bir ayol taksi to`xtatdi. Taksichi bir oz yurgandan keyin mashinani jo`xorizorga buribdi. O`rtasiga borgandan so`ng, jo`xorilarni tepib tekislabdi va choyshab yozibdi.
Ayol qo`rqib:
— Iltimos, unday qilmang boshimda 1ta erim, 4ta bolam bor, - desa.
Taksichi:
— 1ta eriz, 4ta bolangiz bo`lsa, meni 20ta tovug`im bor. Undan ko`ra tushib yordam bering, - dermish.

Afandi bir kuni to`yga bordi. Uning yonida o`tirgan bir savdogar ochofatlik qilib yeganiga qanoatlanmay, dasturxondagi qand-qurslardan olib, cho`ntaklarini to`lg`azdi. Afandi buni ko`rib yonida turgan choynakni oldi-da, sekin uning cho`ntaklariga quya boshladi. Savdogar payqab qolib, jahl aralash Afandidan so`radi:
— Nega cho`ntagimga choy quyyapsiz?
— Cho`ntagingiz qand-qursni ko`p yeb chanqab qolgandir,— dedi Afandi.

Meni tilaklarimni eshitgan sehrgarlarning sehrli tayoqchasi sinib tushdi, oltin baliqcha suvga bo`kib o`ldi, chol ibn Xattob esa soqolini qirtishlab tashladi.

Tabibdan bemor so`radi:
— O`zi bu giyoh dorilarni foydasi bormi?
Tabib:
— Ha, albatta mana katta o`g`limga mashina, kenja o`g`limga uy olib berdim...

Bir o`zbek bilan tatar kafega kirishibdi. Tatar 3ta bulochkani hech kimga bildirmay cho`ntagiga solib, o`zbekka maqtanayatganmish:
— Qara, shipirish degani shunaqa bo`ladi. O`rgan, student! — desa
O`zbek aytarmish:
— Shipirishni hozir senga o`rgataman, — debdi.
O`zbek sotuvchini oldiga borib:
— Xohlaysizmi, sizga fokus ko`rsataman?
— Qani, ko`riluchi?
— 3 ta bulochka bering!
— Mana!
O`zbek 3 ta bulochkani sotuvchini oldida paqqos tushirib, og`zini artayotsa, sotuvchi g`azablanib:
— Bulochkani yo`q qildingku, nomard! Shumi fokusing? — desa
— Bulochkangiz joyida, ana anu tatarni cho`ntagini qarang, — dermish

Yigit:
— Seni sevaman.
Qiz:
— Xa-xa-xa.
Yigit:
— Seni sog`indim.
Qiz:
— Xa-xa-xa.
Yigit:
— Qachon ko`rishamiz?
Qiz:
— Xa-xa-xa.
Yigit:
— Ko`rishganimizda sanga tilla oberaman.
Qiz:
— Qachon?
Yigit:
— Xa-xa-xa.