— Doktor, operatsiyadan keyin men pianino chala olamanmi?
— Albatta chala olasiz.
— Xudoga shukurey, ilgari chalishni bilmasdim.

Bir odam uzoq vaqt komada yotib, kasalxonada o`ziga kelibdi.
Xotini:
— Xayriyat-ey, dadasi o`zizga keldizmi, ahvoliz yaxshimi?
— Xotin men necha kun yotdim?
— Uch kecha-yu, uch kunduz yotdiz.
— Shuncha payt oldimdan ketmay yonimda o`tirdingmi-a?
— Ha, dadasi boshqa qayerga ham boraman, sizi yonizda o`tirmasam xotin bo`lib nima qilib yuribman?!
— Hamma og`ir damlarda yonimda bo`lding, esingdami yaxshigina ishimdan bo`shatishganda ham menga dalda berganding, meni dushmanlarim kaltaklab ketganda ham yonimda turding, biznesim bankrot bo`lganda ham hech qayerga ketmading, sog`ligim yomonlashganda ham uzoqlashmading, bilasanmi hozir men nima haqida o`ylayabman?
— Nima haqida dadasi(mag`rur yumshok ovozda)?
— Sen yonimda bo`lsang, menga faqat baxtsizlik kelayabdi.

Xodimi o`z boshlig`idan ruxsat so`ramoqda:
— Javob bering iltimos, mening tog`am kasalxonada ekan. Boshliq unga raxmi kelib javob beribdi.
Ishdan so`ng stadionga tushgan boshliq u yerda o`z xodimini uchratib qolibdi.
— Iye, sen tog`angni oldiga kasalxonaga borishing kerak edi-ku?!!
— Hozir xo`jayin shoshmay turing, tog`am mana shu o`yinga hakamlik qilmoqda, o`yin tugasin, keyin aniq kasalxonaga tushadi.

Qish. Jinnixonadan jinnilar yarim oqshom qochib chiqishib, jinnixona omborxonasining tomiga olov qo`yishibdi. Buni ko`rgan doktorlar o`t o`chiruvchilarga xabar berishibdi. Yetib kelgan o`t o`chiruvchilar birinchi bo`lib tomdagi jinnilarni qutqarmoqchi bo`lishibdi. Shunda jinnilardan bittasi ularga qarab:
— Ha, yaramaslar biz qiynalib o`t yoqqanda birontang yo`q eding. Endi isinmoqchimisizlar? Yo`qolinglar isinishga qo`ymaymiz, - dermish.

Ikki vrach operatsiya stolidagi bemor oldida suhbatlashishyapti:
— Davolaymizmi yoki yashayversinmi!?!?!?!!!!!

Tort pishiruvchi qiz dugonasiga:
— Doktorlarga hayron qolamanda, dugonajon.
— Nimaga bunaqa deyabsan?
— O`tgan hafta ko`z doktorini tug`ilgan kuni deb, ko`z shaklidagi tort zakaz qilishgandi, bugun roddomni bosh vrachi bo`lmish akusher ginekologni yubileyi ekan... Tortmisan-tort bo`ldi-da!

Ishyoqmas, tekintamok, dangasa odamlar uchun 8 qoida:
1 — Yotadigan krovatingni o`zingni sevganingdek sev.
2 — Kimdir dam olayotganini ko`rsang, albatta, yordamga oshiq.
3 — Ish - mukaddas narsa, unga tega ko`rma!
4 — Qaysidir ishni ertaga qoldirish mumkin bo`lsa, uni aslo bugun bajarma!
5 — Ishlaganlar sog`lom bo`ladi, deyishadi, demak, bemorlarga ish qoldirish kerak, ular sog`ayishsin.
6 — To`satdan ishlaging kelib qolsa, shoshilma. Chuqur nafas ol, o`tib ketadi.
7 — Aslo unutma, ish baribir tugamaydi!!!
8 — Agar ko`p ishlash bilan millioner bo`lish mumkin bo`lganda edi, unda hamma ishchilar boyib ketgan bo`lar edi.

Shifoxonada davolanib chiqayotib, bir kishi shifokorga minnatdorchilik bildirdi:
— Ming-ming rahmat sizga shifokor-jon! O`z minnatdorchiligimni qanday izhor qilishni ham bilolmay qoldim…
Unga javoban shifokor ma’noli iljaydi-da, dedi:
— Eh, azizam, bilasizmi, insoniyat pul degan qudratli narsani o`ylab topganidan beri minnatdorchilik izhor qilish yo`li osongina hal etilgan.

Bir kuni doktordan so`rashibdi:
— Nega hozirgi bolalar nervniy bo`lib tug`ilishayapti?
Doktor:
— Hozirgi bolalar onasini qornida:
3 oylik bo`lguncha: — Meni abort qildirarmikin yo`qmi?, - deb o`ylanishadi.
6 oylik bo`lguncha: — Dadam oyimga uylanarmikan?, - deb o`ylanib xavotirlanishadi.
9 oylik bo`lguncha esa: — 1 oylik stipendiyaga 3 kishi qanday yashaymiz?, - deb nervniy bo`lishadi

Shifokorlar xonasida jarrohlar choy ichib suhbatlashib o`tirishgan edi. To`satdan xonaga yosh jarroh hovliqib kirib keldi:
— Iltimos, yordamlashvoringlar! Operatsiya xonasida bemorning qornini yorib qo`ydim, endi u yog`ini nima qilishni bilmayapman.