Jinnixonadagi vrachlar jinnilar endigacha davolangandir, deb o`ylab hamma jinnilarni yig`ibdi.
Bitta jinni gazetani ustiga o`tiribdi. Vrachlar kelib jinnidan:
— Nimaga bunday o`tiribsan, - desa.
Jinni:
— Boshqalardan baland o`tiray deb, - deganmish

— Doktor, ochko`zlikka qarshi biror malxamingiz yo`qmi?
— Bor, xozir men sizga dori yozib beraman.
— Faqat ko`proq, ko`proq...

— Aytishlaricha, hamshirani oxirgi marta siz bilan birga ko`rishgan ekan?
— Qayerda?... Axir bu tuhmat! Sakson yoshli, buning ustiga, skleroz kasalidan aziyat chekayotgan keksa professorni haqorat qilish yaxshimas!...
— Mehmonxonada deganim yo`q, hayvonot bog`ida. Ya’ni siz filni operatsiya qilgan kuni...
— Esim qursin! Aytdim-a, filning qornini tikayotganimda ichkarida nimadir qolib ketdi, deb...

— Doktor, xotiram chatoq bo`lib qoldi.
— Qachondan beri?
— Nima qachondan beri?
— Xotirangiz?
— Qanaqa xotira?

Shifokor, huzuriga kelgan matn teruvchiga:
— "A" deng-chi...
— Katta "A" mi yoki kichik "a"?

Bir qari odam kasal bo`lib yotib qoldi. Yoniga o`g`lini chaqirib, vasiyat qila boshladi:
— Bolalarim, jon bor yerda qazo bor. Shuning uchun hozirdan aytib qo`yay, odamlardan olasi-berasilarim bor. Men aytib turaman, sen yozib ol.
— Xo`p, dada, aytavering! Qani, oldin kimlardan ola-silaringiz bor, shuni ayting!
— Yoz, Eshmatda yuz so`m, Toshmatda yuz so`m, Isavoyda ikki yuz so`m, Musavoyda ikki yuz so`m...
— Ha, dadajon, aytavering, tag`in kimlarda bor? Dadasi yana uch-to`rt odamning nomini aytdi. Olasi-larning jami ming so`mcha bor edi.
— Bolam, endi qog`ozning narigi tarafini ag`dar. Kimlarga berasilarim bor, shuni yoz.
— Qani, ayting-chi.
— Ismatxo`ja akaga ming so`m, Rustamxo`ja akaga ming so`m, Eshon akaga ikki ming so`m, Mulla Umarboyga...
— E to`xtang, to`xtang, dada, endi ayniy boshladingiz,— deb, o`g`li uning boshini ushlab ko`rdi,— bu gaplar isitmaning haroratiga o`xshaydi. Yota qoling dada...

Stomatolog qabulxonasi. Ichkaridan baqirgan, "dod-voy" ovozlari eshitilib, xonadan bir odam chiqib kelibdi.
Boshqa bemorlar:
— Qattiq og`ritarkanmi?, - deb so`rashsa,
Haligi odam og`zidan ikkita uzilgan barmoqni olib tashlab:
— Bilmiman, men baqirmadim, - dermish.

Bir odam doktorga borsa,
— Kasalingizni da’vosi turp. Ko`proq turp yeng!, - debdi.
Haligi odam ko`chaga chiqib turp sotib o`tirgan odamni hamma turpini sotib olibdi-da, sal nariroqqa borib tursa, turppurush telefonni olib:
— Allo, turp tugadi. Hozir bir qop sholg`om keladi, - dermish.

Bitta jinni qo`lida boltani ushlab olib, xursand yursa, shifokor:
— Nimaga xursandsan? - debdi.
Jinni:
— Palatadagi sherigimni boshini uzib, berkitib qo`ydim. Uyg`onsa, rosa izlaydi, - degan ekan.