Biri soat o`g`irlab, ikkinchisi esa sigir o`g`irlab qamalgan ikki mahbus qamoqxonada uchrashib qolishibdi. Sigir o`g`risi kinoyali ohangda:
— Xo`sh, yangi soatimiz necha bo`ldi? – deb so`rasa,
Soat o`g`risi:
— Sigir sog`adigan payt bo`ldi...! – degan ekan.

Kafeda. Mijoz ofisiantdan so`rayapti.
- Sho`rva bormi?
- Bor, bitta porsiya.
- Qanaqa sho`rva?
- Chuchvarali borsh.
- Bu har hil ovqatku!
- Endi bitta ovqat. Bizga bo`sh kastryulka kerak bo`lgandi...

- Seni bugungi bayram bilan tabriklayman.
- Qanaqa bayram?
- Nogironlar kuni bilan.
- Iye man nogiron emasman-ku.
- Nega unda orzuingdagi mashina va dang`illama hovling yo`q?
- Imkoniyatim yo`q.
- Ha o`shani aytamanda bugun imkoniyati cheklanganlar kuni. Shu uchun ham seni tabriklayman...

Bir hayolparast yerga qarab, hayol surib ketayotsa, boshi qars etib simyog`ochga urilibdi. Qarasa, simyog`ochga shunday deb yozib qo`yilgan ekan:
"Simyog`och tepasidagi tugunda bir million pul bor. Olsang, seniki! Agar ololmay, yiqilib tushsang, ovozing ayol kishini ovoziga aylanib qoladi.
Hayolparast kishi ololmay yiqilib tushibdi-yu, rostdan ham ovozi ayol kishinikiga o`xshab qolibdi.
Hafa bo`lib tursa, nariroqda bir erkak kelib qiz bolani tovushida:
— Ololmasangiz, nima qilardingiz chiqib? - dermish.

Ikki dugona kinoga ketishayotganda, yo`llaridan bir erkak chiqibdi. Dugonalardan biri haligi erkak bilan juda iliq so`rashibdi.
Shunda ikkinchisi:
— Buncha uzoq salomlashmasang, kim bu o`zi? — deb so`rasa,
Dugonasi:
— Shunchaki, ikkinchi erimning, birinchi xotinini, uchinchi eri bo`ladi! — degan ekan.

Ikki og`ayni tikoda bir do`kon yoniga kelib to`xtashibdi. Mashinani egasi tikoni eshigini qulflayotsa, o`rtog`i unga qarab:
— Bu eski aravang kimga-yam kerak?! - desa, do`sti:
— O`tgan safar mashinamni ichiga axlat tashlab ketishibdi. Shunga qulflab qo`ymoqchiman-da..., - dermish.

Ikkita gadoy kechada o`tgan-ketganlardan sadaqa so`rab o`tirishgan ekan, bir yigit yonlaridan ularga salom berib o`tibdi. Shunda gadoylardan biri ikkinchisiga:
— Yaxshi bola ekan, nega pul so`ramading?
Ikkinchi gadoy esa:
— Ey, kaltafahm, agar puli bo`lsa salom berarmidi...?!

AQShda qora chiziq tugab, sariq chiziq boshlandi...
Huddi Beeline dek...!

Ona qiziga:
— Qizalog`im, paypog`ingni kiyib ol. Axir, yo`talyapsan.
Qizi:
— Paypoqda ham yo`talaveraman-ku, oyijon...

Shokoladni taqsimlagan akasidan norozi bo`lgan uka:
— Nuqul shunday qilasiz, o`zingizga katta qismini olib, kichigini menga berasiz! — debdi.
Akasi esa:
— Ho`sh, meni o`rnimda bo`lsang, sen nima qilgan bo`larding? — deb, so`rabdi.
Ukasi:
— Kichigini o`zim olib, katta qismini sizga berar edim! — desa,
Akasi:
— Bo`lmasa nega ming`irlaysan...? — men ham shunday qildim-ku...! — dermish.