Zamonaviy ertak. Uch og`ayni botirning kenjasi bor ovozda baqirdi:
— Tush deyman yaramas mahluq!
Yaramas mahluq javob qildi:
— Kechirasiz-u, oka, men ikki bekatdan keyin tushaman!

Do`konda. Xaridor sotuvchidan so`radi:
— Tovuqlaringiz hammasi bo`lib nechta?
— Oltita.
— Shunaqami? Unda eski, qarilarini ajrating!
Sotuvchi darrov uchta tovuqni chetga oldi va so`radi:
— O`rayveraymi?
— Yo`q, bular kerakmas, menga qolgan uchtasini o`rang!

Okeanda suzib kelgan shisha idishi ichidan xat topildi. Unda quyidagi so`zlar yozilgan edi:
— Kimsasiz oroldaman. Bu yerda tirikchilik uchun hamma narsa bor. Faqatbu yerda milisiya yo`q, soliq qo`mitasi yo`q, prokuratura yo`q, sud yo`q , mahallakom yo`q, posbon yo`q. Haqiqiy tinchlik deb, mana shuni aytadilar. Hammang alamdan yorilib o`l, ablaxlar!

Do`stidan sira qarzini undira olmagan yigit oxiri yo`lini topdi. O`zicha goroskop tuza boshladi. Do`sti goroskoplarga qattiq ishonardi. U so`radi:
— Sen qaysi burjda tug`ilgansan?
— Chayon burjida.
— Goroskopingni o`qidingmi?
— Yo`q.
— O`qib ko`r.U yerda quyidagi jumlalar bitilgandi:
— Shu haftada barcha qarzlarni egalariga qaytarmasangiz, hafta oxirida sizni ko`ngilsizliklar kutadi.

— Azizim, istaysizmi, sizga yuragimni hadya qilaman?
— Sen oldin asablarimni qaytar.

Ikki hamshira ishga keldi. Birining ko`zlari ko`karib ketgandi. Ikkinchisi undan so`radi:
— Ko`zingga nima qildi?
— E, bugun ertalab uyg`ondim-da, erimga qarab: «Siz qaysi palatadansiz?» debman.

— Hisoblab ko`rsam, ikki yil birga yashab qo`yibmiz… Azizim, sizga juda o`rganib qolgan ekanman. Hatto sizsiz borliqni, hayotimni tasavvur eta olmasdim. Biz bir umr birgalikda umrguzaronlik qilamiz, bir-birimizni ardoqlaymiz, sevamiz deb o`ylardim. Afsuski, unday bo`lib chiqmadi. Men endi sizga munosib emasligimni anglab yetdim. Muhabbatim, sizga bo`lgan chek-chegarasiz mehrim o`z xohishim bilan sizdan voz kechishga majbur etdi. Chunki bilaman, sizni men bilan ko`rishsa, ko`chadagilar ustingizdan kulishadi, masxaralashadi, sizni oyoq uchida ko`rsatishadi. Sevgan ko`nglim esa bu savdolarni sira ko`tara olmaydi. Ammo bilamanki, siz ham meni hech qachon unutmaysiz. Ahyon-ahyonda bo`lsa-da, yodga olasiz, birga o`tkazgan tunlarimizni, bir-biridan yorug` kunlarimizni eslab entikasiz, sog`inasiz.
Alvido, azizim, alvido!
Sizni Yaratganning panohiga topshirdim!
Sizga cheksiz muhabbat bilan:
Bolalikdagi So`rg`ichingiz!

Hiyobonda. Yigit va qiz qo`l ushlashib ketishyapti. Oldilaridan gulchi xotin chiqib qoldi.
- Bolam, qizingga gul olib bersangchi. Bu yerda turaverib sovuq qotib ketdim.
— Nechi pul bittasi?
— 10ming so`m.
— Xolajon, issiqroq kiyinib olmabsizda…

Yosh bola dadasidan so`rayapti:
— Dada hayot bilan ertakni qanday farqi bor, debdi.
Dadasi: O`g`lim, Ertakda bir shahzoda qurbaqani sevib qolib unga uylanadi. Uylangandan keyin o`sha qurbaqa malikaga aylanadi. Hayotda esa teskarisi, avval malika bo`ladi, uylanganingdan keyin qurbaqaga aylanib qoladi debdi.

To`rt yoshli qizaloq dugonasiga maqtanyapti:
— Men katta bo`lsam, oyim menga ko`-o`p pul beradi. Ana shunda o`zimga o`zimko`-o`p qo`g`irchoq sotib olaman.