Qiyin savol:
- Nimaga odamlar bir-birini sevib qoladilar?
Qaysidir jihatdan mantiqiy javob:
- Chunki ularga o`zlarining muammolari kamlik qila boshlaydi..

Yigit qiz bilan tanishmoqchi:
— Yaxshi qiz, yoshingiz nechida?
— Qiz bolani yoshini so`rash odobsizlik...
— Unaqada, tug`ilgan kuningiz qachon?
— 21 dekabrda.
— Qaysi yili?
— Ishonasizmi, har yili!

Bir bemor doktorga kelib:
— Qornim og`riyapti, dori bering, - desa, doktor shoshilganidan itiga olgan dorini berib yuboribdi.
Bir haftadan keyin boyagi bemor yana kelib:
— Doktor, menga bergan doringizni nomi nima edi? Hech qaysi dorixonadan topa olmayapman, - dermish.

GAI katta yo`lda tursa, oldida o`t o`chirish mashinasi, o`rtada Kaptiva, orqasida Tez yordam mashinasi katta tezlikda o`tib ketibdi. GAI hayron bo`lib, keyingi postga
aloqaga chiqibdi:
— Tez yordam, o`t o`chirish mashinalari Kaptiva bilan o`tib ketishdi. To`xtatib so`rachi, tinchlikmikan, - debdi.
Keyingi postdagi GAI mashinalarni to`xtatib, Kaptivani haydovchisi oldiga borib:
— Hujjatlaringizni taqdim eting! Tinchlikmi? Bu nima ahvol?- desa, Kaptiva haydovchisi:
— Tibbiyot qutichasi, O`t o`chirgich so`rayverib, jonga tegdingiz. Mana, komplekt bo`lib yuribmiz, - dermish.

Donishmandlarni aytishiga qaraganda ayollarni makri qirqta eshakga yuk bo`lib, qolgani xurjin bo`lar ekan.

Xotin eriga:
— Telefoningizda Odil deb yozilgan raqamga qo`ng`iroq qilsam, ayol kishi javob beryapti-ku?!
— Odilni xotini-yam tekshiryapti, Dilshod degan raqamdan kim qo`ng`iroq qilarkan deb...

Eshik taqillabdi:
— Kechirasiz, sizga yangi chiqqan oq va qora ranglardagi ko`ylaklarimizni taklif qilmoqchiman. Sotib oling, zarar qilmaysiz.
— Yo`q, rahmat, shart emas.
— Mana bu oq ko`ylakni qarang, kiyib mazza qilasiz.
— Kerak emas dedim sizga!
— Ammo bir o`ylab ko`ring.
— Agar yana bir marta shu haqda gapirsangiz, zinadan uloqtirib yuboraman.
— Bu ko`ylakni kiymabsiz, bu dunyoga kelmabsiz...
Uy egasi ko`ylakfurushni zinadan uloqtirib yubordi. U beton ustiga uchib tushib, ancha vaqt harakatsiz yotdi. Keyin bir amallab o`rnidan turdi va yuzlarini artib, yana zinadan ko`tarilib eshikni taqillatdi.
— Oq ko`ylak bo`yicha fikringiz tushunarli. Endi qora ko`ylak to`g`risida gaplashsak...

— Meni bolalarim qorboboga xat yozishni allaqachon boshlab yuborishdi.
Qorbobo esa ularni yonginasida o`tirib, sovg`alar narxini hisoblab aqldan ozay deyabdi.

Afandining buzog`i bo`shalib ketib, yoyig`liq turgan g`o`zani yeya boshladi. Afandi buzoqni quvlagan edi, u tutqich bermay shataloq otib ketdi. Afandi borib, bog`liq turgan sigirni kaltaklay boshladi. Afandining xotini uning qo`lidan kaltakni tortib olib:
— G`o`zani yegan buzog`u, sigir bechorani nega urasiz?— dedi.
— Suv boshidan loyqa, bolasiga tarbiya bera olmagan, arqonini uzib, g`o`za yeyishni bolasiga onasi o`rgatgan, ayb sigirda, — dedi Afandi.

- Dadasi agar yo`lda ketayotganingizda bir chemodan pul topib olsangiz nima qilasiz?
- Darxol uyg`onishga harakat qilaman.
- Agar u rostdan ham hushingizda bo`lsachi?
- Unda darxol seni uxlataman.