— Hozirgi yoshlar juda g`alati kiyinishadi-da! Masalan, mana bu qiz...
— Bu meni o`g`lim!
— Iye, uzr. Siz uni otasi ekaningizni bilmabman.
— Men onasi bo`laman!

— Do`stim, sigirlar o`tlaydigan o`tloqni bilasanmi?
— Ha, yam-yashil, keng dala!
— Qo`ylar yashaydigan qo`rani-chi, bilasanmi?
— Ha, atrofi taxta bilan o`ralgan...
— Italiyani xaritadagi ko`rinishi qandayligini bilasanmi?
— Yo`q. Nimaga mendan bularni so`rayapsan?
— Shunchaki, geografiyadan ko`ra, sigir, qo`ylarni yaxshiroq tushunishingni isbotlab bermoqchi edim.

Bir ofitsiant vrach yoniga kelib, shikoyat qilibdi:
— Doktor, tunlari tushimga ish vaqtim kiradi. Menga xo`randalar ovqatlanib bo`lgach, choy puli uzatishsa, men pullarni olmasdan, qo`lim bilan itarib tashlayman, - debdi.
Vrach:
— Sizga qanday yordam berishim mumkin?! Tinchlantiradigan dori yozaymi?
— Yo`q doktor, qo`llarimni sindirib tashlang!

Bir kuni o`rmon hayvonlari armiyaga bormoqchi bo`lishibdi.
Tibbiy ko`rikdan o`tish uchun birinchi bo`lib quyon kiribdi. Hafa bo`lib qaytib chiqibdi.
Ayiq so`rabdi:
— Nima bo`ldi quyonvoy?
Quyon:
— Olishmadi. Oldimdagi ikkita tishim uzun ekan... Kel ayiqvoy, seni oldingdagi ikkita tishingni sug`urib tashlaymiz. Seni armiyaga olishadi.
Ayiq tishlarini sug`urib, ko`rikka kirib ketibdi. Birozdan so`ng "Qani quyon?" deb baqirib chiqibdi.
Hayvonlar:
— Ha nima bo`ldi? - deyishsa, ayiq:
— Meni oyoqlarim qiyshiq ekan. Tishlarim emas, - degan ekan.

Nervopotolog bemorga dori berayapti.
— Mana bu dorini ichasiz! Iching tezroq!.. Vey, yaramas, ichasanmi tezroq-yo`qmi?

— Xayolparast, ahmoq va psixoanalitik bir-birlaridan qanday farqlanishadi?
— Xayolparast osmonu falakda ajoyib qasr quradi. Ahmoq o`sha qasrda yashaydi. Psixoanalitik esa shu qasrni ijaraga olishga intiladi.

Ishdan qaytgan er xotinidan so`rayapti:
— Bugun nimalar qilding?
Xotin:
— Kir yuvdim, ovqat pishirdim, derazalarni yuvdim, uylarni tozaladim. Mana kiyimlarni dazmollab o`tiribman. Agar ertaga internetga pul to`lab kelmasangiz, uyga kiritmayman!!!

Eng puxta reja:
"Bir gap bo`lar! Borganda, joyida hal qilarmiz!"

Bir odam do`stinikiga mehmonga kelibdi. Do`stini xotini dasturxon tuzab, ovqat olib kiribdi. Mehmon sinkovroq ekan, do`stidan so`rabdi:
— Do`stim, bu xotiningni qulog`idagi zirakni qayerdan olding. Umrim bino bo`lib, bunaqasini ko`rmaganman.
— E-e, u zirak emas. Tug`ilgan kuniga sovg`a olay desam, hali oylikkacha ancha bor ekan. Kastyumimni tugmasini uzib olib, qulog`iga qadab qo`yganman...

— O`zingizni ikkita so`z bilan ta’riflab bering!
— Kamtar! Aqlli!