Internet orqali yozma suhbat:
— Isming nima?
— Tumanoy.
— Boshing bilan klaviaturaga urilib ketdingmi, yoki rostdan ham shunaqa ism bormi?
— Bor, ishonmasang ana ism.uz dan ko`r.

Afandining bir savdogar oshnasi uning tilla uzugiga suqlanib yurar edi.
— Afandi,— dedi u bir kuni — men sizni tez-tez ko`rib turmasam sog`inib qolaman. Uzoq safarga ketyapman, qo`lingizdagi uzugingizni bersangiz, taqib olsam, qachon uzukni ko`rsam, sizni ko`rgandek bo`lib yuraman.
Afandi uzukni berishga ko`zi qiymay, javob berdi:
— Jon birodar, men ham sizni tez-tez ko`rmasam turolmayman, qo`ying, uzuk menda tursin, qachon uzukka ko`zim tushsa: «Do`stim tilaganda bermagan edim» deb sizni eslab yuraman.

Maktabga yangi o`qituvchi kelibdi. O`quvchilar uning atrofini o`rab olib, o`z maktablari, sinflari haqida beto`xtov gapira ketishibdi. Sinfdoshlar orqa partada o`tirgan o`quvchini ko`rsatib, o`qituvchiga tanishtirishibdi:
— Manavi Boltavoy-tentak bo`ladi.
Mana unga 500 so`mlik va 1000 so`mlik pulni bersangiz u doim rangi qizil bo`lgani uchun 500 so`mlikni oladi.
Bolalar Boltavoyni chaqirib, o`qituvchiga namoyish qilish uchun 500 so`mlik va 1000 so`mlik pul uzatishibdi. Boltavoy haqiqatdan ham 500 so`mlikni tanlabdi. Darslar tugagach, o`qituvchi Boltavoyni kabinetiga chaqiribdi va debdi
— Boltavoy, qarasam — matematikani unchalik yaxshi bilmaydiganga o`xshaysan. 1000 so`m 500 so`mdan ikki barobar ko`pligini nahotki bilmasang?!
— Albatta bilaman!
— Unda nega 500 so`mlikni tanlaysan?
— Muallim, agar men 1000 so`mlikni tanlasam, bolalar menga pul bermay qo`yishadi-da!

Qishloqdan kelgan bir sodda yigit shaharda yoshi o`tib qolgan ayoldan so`rabdi:
— Buvijon, 1-sonli kasalxonaga qanday borsa bo`ladi?
— Meni yana bir marta "buvijon” desang bas.

Bir ruschani yaxshi bilmaydigan bola sigaret chekib o`tirsa, yoniga bir rus qiz kelib o`tiribdi. U ham sigaret chekishni boshlabdi.
Shunda bola chekayotgan qizga hayron bo`lib:
— Vi chto, kuritsa?, - desa
Rus qizning jahli chiqib:
— A chto, ti petux?, - debdi
Bola qo`lidagi sigaretni ko`rsatib:
— Net, ya toje kuritsa!!!, - dermish

Xalqning oldiga bir jarchi kelib:
— Hozir nima demoqchiligimni bilasizlarmi?
— Yo`q bilmaymiz.
Jarchi:
— Bilmaydigan odamlarga gapirishning foydasi yo`q, - deb ketib qolibdi.
Ertasiga kelib:
— Men nima deyishimni bilasizlarmi —debdi.
Xalq:
—Yo`q.
Jarchi:
— Bilmaydigan odamlarga gapirishning foydasi yo`q.
Ertasiga xalq kelishib olibdi. "Yarmimiz bilamiz, yarmimiz bilmaymiz deymiz".
Jarchi yana eski gapini takrorlabdi. Xalq kelishganidek javob beribdi.
Jarchi:
— Unday bo`lsa, biladiganlaringiz bilmaydiganlarga aytib qo`ya qolsin, - deb ketvorgan ekan.

— Allo, o`rtoq, ketingdan ketvommiza, bir orqaga qarab qo`ygin, Gelenvagenni ko`rdingmi?
— Yo`g`eye?
— Ko`rdingmi? Biza orqasidagi marshrutkadamiza.

Boshqa davlatlar tug`ruqxonalarida: "Xush kelibsiz" - deb yozib qo`yilar ekan.
Xitoy davlatida esa: "Bo`ldi bas, yetar endi" - deb yozilar ekan.

Sevgan qizim rashqimni keltirish uchun yangi yigiti bilan tushgan rasmini manga yuboribdi. Man esa rasmni qizni adasiga yubordim. Adasiyam bir rashq qilsin...

Dala shiyponida gurunglashib o`tirgan rais Afandidan so`radi:
— Nasriddin, qani, menga ayting-chi, yolg`iz o`zingizga bir shisha aroq bersak, kayfingiz oshadimi?
— Yo`q, oshmaydi, - deb javob berdi Afandi.
— Ikki shisha aroq ichganingizdan keyin ham dalaga chiqaverasizmi?
— Ha, albatta.
— Uch shisha aroqdan keyin-chi?
— Uchinchi shishadan so`ng borib ishlay olmayman-u, ammo sizga o`xshab rahbarlik qila olaman, - dedi Afandi.