Telefonda hovliqqan ovozda bir ayol:
— Allo, bu kasalxonami?
— Yo`q, bu qabriston!
— Uzr unda! Sizlarga murojat qilishimga sal ertaroq...
— Hechqisi yo`q, biz kutamiz.

Kasalxonada yotgan ikki erkak suhbatlashayotib:
— Siz kasalxonaga qanday tushib qoldingiz?
— Tomdan yiqilib tushdim.
— Ming la’nat! Sen ekansan-da meni boshimga tushgan!!!

Bir erkakni xotini kasal bo`lib yotib qolibdi. Erini chaqirib:
— Agar o`lib qolsam, nima qilasiz? — debdi.
— O`lmay qolsang nima qilaman xotin? — dermish eri yig`lamsirab.

Bir odam vrachni yoniga kelib debdi:
— Doktor, menga yordam bering. Men tushkunlikka tushib qoldim.
— Nima bo`ldi?
— Narx-navo oshib boryapti, meni esa pulim yo`q!
— Kechirasiz, sizga pul bera olmayman!
— Hech bo`lmaganda, depressiyadan chiqish uchun arzonroq dorini ayting!
— Chuqur nafas oling, chiqaring. Yana takrorlang.
— Bu qanday yordam berishi mumkin?
— Havo bepulligida to`yib nafas ovoling...

Ikkita jinni tortishib qolishibdi.
Birinchisi olma daraxtiga qarab turib:
— Bu yil mana shu daraxt ikki tonna olcha beradi, - debdi.
Ikkinchisi esa:
— Yo`q, bu daraxt bu yil bir tonna shaftoli beradi, - debdi.
Shu payt shifokor kelib qolibdi. Suhbatni eshitib turib:
— Axir, bu daraxt anor-ku! - dermish.

Asabiylashgan bemor vrachdan so`rabdi:
— Rentgen tasviri necha pul turadi?
— Oddiy tasvirmi?, - debdi vrach.
— Yo`q, yelkamda maymun bolasi, orqamda esa qora dengiz, ustida chayka qushlari uchib yurgan ko`rinishi qancha bo`ladi?! - dermish.

Shifoxonada:
— Jag`ingiz qanday sindi?
— Ishda jarohat oldim.
— Uch joyidan sinibdi-ya o`ziyam. Nima ish qilasiz?
— Ekskavatorchiman. Kecha ishdan qaytayotsam, yo`ldagi kanalizatsiya qopqog`i ochilib yotgan ekan. Birortasi tushib ketmasin deb, ekskavator cho`michini tuynukka qo`yib, uyga kirib ketdim. Ertalab kelib cho`michni ko`tarsam, kanalizatsiyadan uchta santexnik chiqib kelishdi...

Bir soxta tabib odamlarni tomirini ushlab, kasalini aniqlab, dori yozarkan. Bir kuni bemorni chap qo`l tomirini ushlab, dori yoza boshlasa, bemor tabibga qarab:
— O`ng qo`limni tekshiring, chapi pratez, - dermish.

Ikkita jinni kasalxona tomiga chiqib olib, — “O`n bir, o`n bir”, - deb baqirar emish. Bosh vrach pastda turib:
Hoy, nega baqiryapsizlar?, - desa, jinnilar:
— Bu yoqqa chiqing, aytamiz, - deyishibdi.
Bosh vrach tomga chiqishi bilan, jinnilar uni pastga itarib yuborishibdi-da:
— O`n ikki, o`n ikki, - deb baqira boshlashibdi.

— Nega bu ishni qildingiz?, - so`rabdi vrach bemordan.
— Meni xotinim tashlab ketdi, - debdi bemor.
— Xotiningiz tashlab ketsa, beshinchi qavatdan o`zingizni tashlab yuborish shartmi?!
— Tushunmadingiz doktor! Xotinim meni tashlab yubordi ...