Bir kishi doktorga shikoyat qilibdi:
— Doktor o`pkam og`riyapti shekilli
— Chekasizmi?
— Ha
— Qanaqa sigaret chekasiz?
— Har-xil
— Iloji bo`lsa chekishni tashlang, bo`lmasa bir xil sigaret cheking
— Nima endi ertalabdan kechgacha bitta odamni orqasidan yuraveramanmi?

Jinnilar jinnixonada o`zlaricha to`y qilayapti. Bittasi qo`shiq aytayapti, bittasi chelakni chalyapti, bittasi supurgini gitara qilib olsa, bir jinni burchakda orqa tomonga qarab olib "Tiiiirrrr, tirtirtir" - deb tursa. Vrach kelib:
— Sen nima qilayapsan, burchakda tirillab to`yga qatnashmiysanmi, - desa.
Haligi jinni vrachga qarab:
— Svet yo`q-ku, men dvijokman, - dermish.

Bir ayol shifokor ko`rigida:
— Doktor, tosh oynaga qarab o`zimni ko`rsam ko`nglim aynayapti. Bu nimadan ekan-a?
— Demak, ko`zingiz juda yaxshi ko`radi.

Doktorlar shiori: «Puling yo`qmi, sog` bo`l....»

Bir kishi shoshilib kirib xotinini chaqirdi-da, ko`ylagini ko`tarib “Belimga tupur”, deb buyurdi. Xotin uning bu amridan ajablandi.
— Bo`laqol, belim og`rib, jonimni olyapti. Do`xtirga borgan edim, ilonning zahrini surting dedi. Dorixonada bunaqasi yo`q ekan. O`zing tupurib qo`ya qol, tilingga tegib chiqqan tupuging o`nta ilonning zahriga tatiydi.

— Doktor men operatsiyadan juda qo`rqaman
— Qo`rqmang bemor bu nasib qilsa 23—operatsiyam, hech bo`lmasa shunisi muvafaqiyatli chiqar...

Ikki dugona suhbatlashmoqda:
— Bilasanmi, dugonajon, doktor kecha menga xushxabar aytdi — men homilador ekanman!
— Tabriklayman! Sen endi bo`lajak farzandingga ism topish bilan ovorasanmi?
— Yo`q, hozircha... Otasining ismi ustida bosh qotiryapman!

Xotin radioga telefon qilyapti:
— Allo - bu radiomi?
— Ha, siz radioga tushdingiz. Kimga qanday qo`shiq qo`yib berishimizni xohlaysiz?
— Iltimos, yarim kechasi mast bo`lib o`ynashinikiga borgan va o`ynashining eridan o`lguday kaltak yeb qovurg`alari sinib hozir kasalxonaning reanimatsiya bo`limida yotgan erim uchun "MANA SENGA O`ShA KAYF" qo`shig`ini qo`yib bersangiz.

Bemor doktordan so`rayapti:
— Doktor, men tuzalamanmi?
Doktor:
— Bu narsa o`zimgayam qiziq...

90 ga kirgan otaxon, vrachni oldiga borib:
— Men farzandlik bo`ldim, - desa
Vrach:
— Yo`g`e, bo`lishi mumkin emas
Otaxon:
— Nega bo`lishi mumkin emas? — Men ancha tetikman...
Vrach:
— Mayli, men unda sizga bir voqeani aytib beraman. Bir kuni ovchi ovga chiqibdi, ovchi miltiqni olaman deb adashib o`zi bilan soyabonni olib olibdi. O`rmonda ketayotganida yo`lidan bir katta ayiq chiqib qolibdi. Ovchi shoshilib qo`lidagi miltiqni bir bosgan ekan, soyabon ochilib ketibdi va ayiq o`libdi!, — desa
Otaxon:
— Yo`g`e, uni boshqa birov otib qo`ygan bo`lsa kerak!, — desa
Vrach:
— Ha, men ham shuni tushuntirmoqchi bo`lyapmanda sizga, - dermish.