— Nimaga kech qolding?
— Ertalab 6:00 da uyg`ongandim. Keyin ko`zim sal ilinibdi-da...

Yigit bilan qiz uchrashuv belgilashibdi. Yigit qizni rossa kutibdi. Qiz kelmabdi. Oxiri uyiga qaytib ketibdi. Ertasi kuni qiz yigitga qo`ng`iroq qilib, gapi borligini aytibdi. Qiz yigit bilan uchrashibdi-yu, kecha hind kinosi ko`rganini, shuning uchun uchrashuvga kela olmaganini tushuntiribdi.
Keyin qiz yigitga:
— Biror kafega kiraylik, kinoni gapirib beraman, - debdi.
Bir kafega kirib o`tirib, qiz kinoni gapirib bera boshlabdi. Bir yarim soat tinmay gapirib bo`lib:
— Mana, kinoni 1-qismi tugadi. Hozir bir suv ichib olay, 2-qismini gapirib beraman, - desa, yigit:
— Mayli, faqat kinodagi ashula aytib, raqsga tushgan joylarini o`tkazib yuborgin. Shuncha odam oldida uyalib ketyabman, - degan ekan.

— Adasi, kecha soat beshdan keyin ovqat yeb, parhezimni buzdim. Iltimos, menga tanbeh bersangiz, boshqa bunday ish qilmay!
— Menga desa, uyatdan yerga kirib ketmaysanmi xotin?!

— Sen tentaksan!
— Nima deding? Qaytar-chi!
— Sen tentaksan!
— Yana bir qaytar!
— Sen tentaksan deyapman.
— Tentak odamni buyruqlarini bajaryapsan-ku! O`zing kim bo`lasan unda?!

Bir kuni o`g`li chizgan rasmini dadasiga ko`rsatsa:
— E, qoyil o`g`lim! Huddi o`zimni chizibsan-ku! Faqat nega sochimni rangini jigarrangga bo`yading? - so`rabdi ota.
Shunda o`g`il qalamlariga qarab turib:
— Menda "kal" rang yo`q-da, dada, - dermish.

Ikki askar bir-biriga maqtanyapti. Birinchisi dedi:
— Xotinimning qo`li gul! Shimimga yamoq solsa, yamoq solgani umuman bilinmaydi-e!
Ikkinchisi bo`sh kemadi:
— E buning nima bo`pti!? Mening xotinchamni qo`lini gul desang arziydi! Kiyimlarini yuvsa, yuvgani umuman bilinmaydi!

Boshliqning "Oltin qoidalari":
1. Boshliq hamisha haq.
2. Boshliq kech qolmaydi, ish yuzasidan ushlanib qoladi.
3. Boshliq xodimalarga tegajoqlik qilmaydi, ularga e’tibor qaratadi.
4. Boshliqni xonasiga o`zingni g`oyalaring bilan kirib, boshliqni g`oyalari bilan chiqishing kerak.

Beshta og`ayni choyxonada o`tirsa, telefon jiringlabdi:
— Allo, adasi, kecha men sizga aytgan tilla zanjirni bugun qo`shnimiz sotib chiqdi. Olaveraymi?
— Ha, olaver!
— Keyin, internet orqali yangi telefonga ham buyurtma berib yubormoqchiman, maylimi?
— Mayli!
— Kelasi hafta 8 mart bayrami ekan. Shunga yangi ko`ylak ham tiktirmoqchiman. Uydagi puldan olib, tikuvchiga borib kelsammikin degandim?!
— Xo`p mayli, boraver!
Telefon suhbati tugagach, yigit telefonni joyiga qo`yib debdi:
— Og`aynilar, manavi telefon o`zi kimniki edi???

Telegrammdagi suhbatdan:
— Sevgan qizingiz bormi?
— Yo`q.
— Unday bo`lsa, biron yerda uchrashib, tanishib olsak bo`lar ekan.
— Afsuski, buning iloji yo`q...
— Sabab?
— Xotinim ruxsat bermaydi.

Jang maydoniga oshpaz emaklab kelib, akopdagi askarlardan:
— Bugun nima ovqat qilay? - desa, bo`linma komandiri:
— Osh qil! - debdi.
— Necha kilo qilay? - so`rabdi oshpaz:
— 10 kg necha kishiga yetadi? - debdi yana komandir.
— 90-100 kishiga yetadi, - desa,
— Bo`lmasa jangdan keyin qilasan, - dermish.