Erkak yarim tunda xotinini uyg`otib:
— Tur, ko`zoynagimni olib ber!
— Yarim kechada nima qilmoqchisiz?
— Qiziqarli tush ko`rayotgan edim, ko`zoynakda yaxshiroq ko`raman-da!

Bir odam folbindan qarz ekan. Haligi odam folbinni uyiga qarzini so`rab borsa:
— Nima qilardingiz ovora bo`lib?! Menda pul yo`qligi folingizda ayon bo`lmadimi? - dermish.

Praporshik askarlarga yangi ishlab chiqilgan tank haqida so`zlab beryapti:
— Qarshingizda fan va texnikaning so`nggi yutuqlari ila yaratilgan jangovar mashina turibdi. Ushbu tank bortiga kompyuter o`rnatilgan bo`lib...
— O`rtoq praporshik, o`sha kompyuter tezligi haqida ham to`xtalib o`tsangiz, iltimos.
— Ovsarlar uchun alohida ta’kidlab o`taman. Kompyuter tank harakatining tezligi bilan teng harakatlanadi!

Sen haqingda hamma narsani bilaman:
1. Hozir Internetda o`tiribsan.
2. Sen saytdasan.
3. Sen hozir buni o`qiyapsan.
5. 4-band yo`qligini payqamading.
6. Ana, tekshirib ko`ryapsan.
7. Endi jilmayding.
kulgu.uz sayti bilan hamisha kayfiyating a’lo bo`lsin.

Bir yigit do`stiga gapirib beryapti:
— Yo`lda ketayotsam, osmondan oldimga "Tap" etib qurbaqa tushdi.
Yerda yotgan toshga urildi-yu, go`zal qizga aylanib qoldi.
— Chiroyli qizmi?
— Ha, juda-yam...
— Aqillimi?
— Ha, dono!
— Unday bo`lsa, yerdagi toshga juda qattiq urilgan ekan-da...

"Ertaga bajararman..." degan so`z qiyin vazifalar uchun eng ma’qul yechimdir!

Ikkita odam baliq tutib o`tirib, bir qadahdan aroq quyishibdi. Shu payt qarmoqqa baliq ilinibdi. Aroqni yoniga qo`yib, qarmoqni tortib chiqarsa, baliq "Shalop" etib aroqni ichiga tushibdi.
Jahl bilan aroqni ko`lga to`kib tashlabdi. Aroqni ichidagi baliq suvga qaytib tushib, sheriklariga maqtanibdi:
— Tepada ikkita ovchi ushlagan baliqlariga bir qadahdan aroq quyib berib, yana suvga tashlab yuboryapti, - dermish.

Yuqori qavatdagi qo`shnim ertalab bolasiga shunaqa qattiq baqirdiki, men ham bir zumda xonamni yig`ishtirib, issiq kiyimlarimni kiyib oldim.

Bir erkak har doim xizmat safaridan qaytishda xotiniga qo`ng`iroq qilib:
— Azizam, men bir soatda boraman, - deb qo`yarkan.
Bir safar eri qo`ng`iroq qilmasdan, to`ppa-to`g`ri uyga kelaveribdi. Eshikni ochib kirsa, xotini jazmani bilan o`tirgan emish.
Sekin oyoq uchida ko`chaga chiqibdi-da, qo`ng`iroq qilib:
— Azizam men yetib keldim, hozir uyga kiraman, - debdi. Kirsa, uyda xotinidan boshqa hech kim yo`q! Shunda haligi erkak chuqur ho`rsinib:
— Ikki "sent"ni tejayman deb, oilam buzilib ketay dedi-ya, - degan ekan.

Xotinim-yurist, xotinimning akasi-prokuror, opasi-yuridik fanlari nomzodi, qaynotam-bosh prokuror, qaynonam-yurist maslahatchi.
Xudo ko`rsatmasin, xotinim bilan ajrashadigan bo`lsam...