Afandining ko`zi xira bo`lib qolgan edi, odamlar unga ko`proq yong`oq yeyishni maslahat berishdi. Afandi bozordan yarim qadoq yong`oq olib, asta chiqib ketayotgan edi, ro`parasidan bir bola chiqib salom berdi. Afandi alik olib, bolaga bitta yong`oq berdi-da, sevinib dedi:
— Salom bergan bolalarni juda yaxshi ko`raman. Qani endi, boshqa bolalar ham senga o`xshash salom berishni bilishsa!
Bola nariroqqa borib ingichka ovozda salom berdi, Afandi yana yong`oq uzatdi, ko`chaning o`rtasiga yetmasdanoq bola yo`g`on tovushda salom berib, yana bir yong`oq oldi, tor ko`chaga burilmasdan xirillagan tovush bilan salom bergan edi, Afandi bilib qolib:
— Salomni yong`oqqa alishib yeb, tomog`ing og`rigan shekilli, tovushing chiqmayotibdi, yong`oq yema!— dedi.

Er xotin kafeda o`tirsa. Bir qiz kelib erini bir o`pib, qaytib ketibdi.
Xotinini jahli chiqib:
— Kim u? Nimaga sizni o`padi?, - desa
— O`chir ovozingni! Hali unga ham tushuntirishim kerak seni kimligingni

Bir to`yda yarim tungacha bazm bo`libdi-yu oxiri o`rtakash bir otaxonni o`rtaga chaqirib:
— Otaxon duo qilib bering, - debdi.
Otaxon o`rtakashni oldiga kelsa, o`rtakash otaxonni qulog`iga zamonaviy BLUETOOTH mikrofonni taqib gapiring, - debdi.
Otaxon o`rtakashga qarab:
— Menga mikrofon ber, - desa.
O`rtakash:
— Otaxon gapiravering hamma eshityapti, - debdi.
Otaxon jahli chiqib:
— Mikrofon ber-e, - desa.
O`rtakash otaxonni qo`liga bitta stakanni berib, mana mikrofon endi gapiring, - desa.
Otaxon gap boshlabdi:
— Mana bugun jiyanimiz Abdusattor... jiyanimiz Abdusattor, - debdi-yu.
Kelinni ismi esidan chiqib qolib, stakanni orqasiga yashirib, o`rtakashga qarab:
— Anu alvastini ismi nimaydi, - dermish.

Marshrutkada bir qiz barmog`i bilan oynani g`irchillatibdi. Orqa o`rindiqda o`tirgan chol:
— Qizim ovozini o`xshatding, endi hidini nima qilamiz? - debdi

Bir jinni ikkinchisiga:
— Kel boshinga mix qoqib qo`yay sartaroshga borsang mashinkasi sinib qoladi.
— Yo`q, qoqmaysan...      
— Nega?
— Mixni qoqishda bolg`ang tegib ketsachi?

— Oyi, ko`chaga chiqib o`ynasam, maylimi?
— Shu kir quloqlaring bilanmi?
— Yo`q, o`rtoqlarim bilan.

— Oyijon, oyijon men hamma ovqatni yeb bo`ldim. Mana qarang!
— O`g`lim, axir 30ga kirding-ku. Qachon uyga non ko`tarib kelasan-a?

Erini ko`rgani kelgan xotin, yig`lagancha palataga kirib keldi.
Eri:
— Ha xotin, nima bo`ldi?
Xotin yig`laganicha:
— Kecha onamni mashina urib ketdi, - desa...
Er:
— Xotin bilasanku jag`im singan. Meni kuldirma, - dermish

— Hamma narsani tashladim, ichishniyam, chekishni ham, xotinimni ham!
— Xotiningni nimaga tashlading?
— U bunday baxtga loyiq emasdi.

Bola dadasidan:
— Dada ertak nima o`zi?
— Ertakmi, nima desam ekan... Masalan ertakda qurbaqani topib olib, yoningda bir kecha olib yotsang ertasiga qarasang malikaga aylangan bo`ladi. Hozir esa uylanasan, ertasiga qarasang aksi bo`layapti, - dermish