Erta tongda uyiga qaytgan eriga eshik ochgan xotini:
— Ha, nega keldingiz? - debdi.
Eri bo`lsa o`zini yo`qotib:
— Nonushta qilgani..., - dermish.

Militsiyaga bir erkak qo`ng`iroq qilyapti:
— Allo, militsiya, xotinim yo`qolib qoldi!
— Tinchlaning, qayerga ketgan edi xotiningiz?
— Do`konga deb chiqib ketgandi...
— Xotiningizni belgilari: Bo`yi? Soch rangi?
— Bilmayman, bo`yini o`lchab ko`rmagandim. Sochini rangini har hafta almashtirib turadi. Oxirgisi yodimda yo`q!
— Ko`zini rangi-chi?
— Hecham ahamiyat bermaganman.
— Qanday kiyimda edi?
— Bilmayman ...
— Mashinada ketganmidi?
— Ha, ha. Mashinada!!! Lasetti. Rangi oq, 2015 yil, avtomat korobka, o`rindiqlar charmdan, galogen chiroqli, qishki shinalar o`rnatilgan, salonga monitor ham o`rnatib bergan edim, - deb yig`lab yuboribdi.
— Havotir olmang, mashinangizni albatta topib beramiz!

— Ada ayting-chi, bir million, bu ko`pmi yoki kam?
— O`g`lim, buncha pulni ishlab topmoqchimisan yoki sarflamoqchimisan? Shunga bog`liq!

Buvisi nabirasidan so`rabdi:
— Namuncha ko`p suv ichyapsan?
— Olma yegandim.
— Xo`sh, nima bo`pti?
— Uni yuvmasdan yegandim...

Besh yoshli qizaloq xonani burchagida turib, onasiga debdi:
— Oyijon, shu ishingiz to`g`rimi?
— Yomon hulqing uchun seni jazoladim. O`sha joyda tur!
— Yosh bo`la turib, shu burchakda, siz haqingizda yomon fikrlay boshlayapman! Yaxshi emas, oyijon!

Ko`chada ketayotgan yigitni oldidan bir lo`li chiqib:
— Ako keling, bir fol ko`ray! Agar yaxshi xabar aytsam, 2000 so`m berasiz. Yomon xabar aytsam, 1000 so`m, - debdi.
Yigit rozi bo`lib, qo`lini uzatibdi.
Lo`li yigitni kaftiga qarab:
— Xotiningiz homilador ekan. Yaqinda egizak o`g`illaringiz bo`ladi, - desa,
Yigit xursand bo`lib, 2000 uzatibdi.
Lo`li 1000 so`mni qaytib berib:
— Shoshmang ako, oxirigacha eshiting. Bolalarni otasi siz emassiz..., - dermish.

Bir donishmanddan so`rashibdi:
— Eri qayerdaligini har doim bilib turadigan ayol kim bo`ladi?
Donishmand javob beribdi:
— U ayol beva bo`ladi!

— Menga bitta chiroyli atirguldan bering!
— Sevgan qizingizgami?
— Yo`q, qaynonamga.
— Nega buncha kam?
— To`g`ri aytasiz. Ikkita beraqoling!

— Sizni nega ishdan bo`shatishdi?
— Avtobusda ko`zi ojiz yo`loviga joy berganim uchun!
— Kim bo`lib ishlardingiz o`zi?
— Avtobus haydovchisi edim...

Ovchi o`rmonda ov qilayotib, katta chuqurga tushib ketibdi. Uyoq-buyog`ini qoqib, tepaga qarasa, miltig`i tepada qolibdi.
Qo`rqib, — Qaysi hayvonni ini ekan? - deb o`tirsa, uya ichidan ayiq bolasi chiqib kelibdi:
— Hoy kichkina, adang uydami? - debdi.
— Yo`q, asal qidirib o`rmonga ketgan.
— Onang-chi?
— Oyim ham ketgan, - desa, ovchi sal o`ziga kelib, ayiqchani bir tepib, — Tur-yey padaringga la’nat!, - desa, ayiq bolasi:
— Bobojon bu yoqqa chiqing, manavi meni urdi, -debdi.