— Aytinchi doktor, men o`lamanmi?
— Ha!
— Yaqin-oradami?
— Yo`q! Xavotir olmang! Bizni xususiy klinikamizga hali ancha qatnaysiz.

Bir odam shifokorga borib:
— Sizda umrni 100 yoshgacha uzaytiradigan dori yo`qmi?
— Ha.
— Aroq ichasizmi?
— Yo`q.
— Sigaret chekasizmi?
— Yo`q.
— Unda dori ichib nima qilasiz?!

Jarrohlik operatsiyasidan keyin hushiga kelgan bemorga vrach dedi:
— Operatsiyadan oldin o`zingizni juda yomon tutdingiz. Baqirib, tipirchilab, hamma yoqni ostin-ustun qildingiz. Yoningizdagi sherigingiz sizdan ham battarroq to`palon qildi...!
Bemor vrachga:
— Albatta-da! Axir biz derazalarni yuvish firmasidan kelgan edik-da...

Bemor shifokorga murojaat qildi:
— Men tobora eshitish qobiliyatimni yo`qotayapman, so`nggi paytda hatto o`z yo`talimni ham eshita olmayapman.
Shifokor unga dorilar ro`yxatini yozib uzatdi va dedi:
— Mana shu dorilarni kuniga uch mahal iching...
— Keyin yaxshi eshitadigan bo`lamanmi?
— Yo`q, qattiqroq yo`talasiz.

Vrach bemordan:
— Sizga nechi pullik narkozdan qilay?
— Eng arzonidan!
— Alla, alla, alla-yo...

Bir qiz vrach yoniga kelib:
— Doktor, go`zallik ham bir dard emish. Shu rostmi?
Vrach:
— Xotirjam bo`lavering. Siz soppa-sog`siz!

Ona o`g`lini tishini oldirib, stomatolog xonasidan chiqaverishda bolasiga:
— Vrachga nima deyish kerak o`g`lim? - desa, bolakay:
— Qonxo`r ablah! - debdi.

Bir ofitsiant vrach yoniga kelib, shikoyat qilibdi:
— Doktor, tunlari tushimga ish vaqtim kiradi. Menga xo`randalar ovqatlanib bo`lgach, choy puli uzatishsa, men pullarni olmasdan, qo`lim bilan itarib tashlayman, - debdi.
Vrach:
— Sizga qanday yordam berishim mumkin?! Tinchlantiradigan dori yozaymi?
— Yo`q doktor, qo`llarimni sindirib tashlang!

Nervopotolog bemorga dori berayapti.
— Mana bu dorini ichasiz! Iching tezroq!.. Vey, yaramas, ichasanmi tezroq-yo`qmi?

Bir ayolni eri jag`ini sindirib, gipsda kasalxonada yotgan ekan. Ko`rgani kelgan xotini unga:
— Mana azizim, sizga sabzi, turp, olma, rediska olib keldim. Yeb yoting! Keyingi safar nima olib kelay? - desa,
eri gipslangan og`zi bilan zo`rg`a:
— Yong`oq olib kel! Chaqib yotaman, - dermish.