Qizlar, chiroy o`tkinchidir! Shuning uchun tirnoq va kipriklarni o`stirmang, aqlni o`stirish bilan shug`ullaning!

Tunda uyga kirib kelgan o`g`rilar:
— Bizga oltin kerak!
Uy egasi:
— Qancha kerak?
O`g`rilar:
— 100 kilo!
Uy egasi:
— 106 kilolisi bo`ladimi?
— Ha bo`ladi! Olib chiq!
Xotinini chaqirib:
— Oltinoy, chiq! Senga kelishibdi.

Diskotekada bir yigit chiroyli qizni yoniga kelib:
— Raqsga tushasizmi? - debdi.
Qiz:
— Yo`q! - desa, yigit:
— Unaqada yuring, mashinamni itarishib yuboring, - degan ekan.

Yigit sevgan qiziga:
— Men seni sevaman!
— Bu gapingizni yana kimlarga aytgansiz?
— Hammaga.
— Hammaga?!
— Seni sevishimni hammaga aytganman-da!

Bir odam to`tiqush sotib olib:
— Xo`sh, menga o`xshab gapira olasanmi?, - deb so`rasa, to`tiqush haligi odamga qarab:
— Men-ku gapirishni bilaman. O`zing-chi, uchishni bilasanmi?, - dermish.

Yigit do`stiga:
— Nima u? Uchib o`tib ketgan?
Do`sti:
— 2016 yil! Uchib o`tib ketdi...

Yo`l patrul xizmati xodimi shubhali mashinani to`xtatsa, ruldagi haydovchi g`irt mast emish.
— Ichib turasizmi haydovchi? - deb so`rabdi xodim.
Haydovchi aroq to`la piyolani unga uzatib:
— Siz bilan birinchi martta, - degan ekan.

— Sen echkisan! Istasang, hozir isbotlab beraman.
— Isbotla-chi?!
— Chelakdan suv ichasan-mi?
— Yo`q!
— Ana ko`rding-mi? Shoxlaring xalaqit beradi-da...!

Bir kuni quyon o`rmonga yangi Kaptiva minib kelibdi. Bo`ri va boshqa hayvonlar qiziqib:
— Qaysi pulga olding, - deb so`rashibdi, shunda quyon:
— Bir necha yil pul to`plab oldim, - debdi. Bo`riga qarab:
— Sen ham aroq ichavermay, pulingni to`pla, - deb ketibdi.
Ertasiga o`rmonda shovqin-suronmish. Hayvonlar qarasa bo`ri vertolyotda uchib kelibdi.
Hamma hayvonlar vertolyot uchun buncha pulni qayerdan olding, - deb so`rashibdi. Shunda bo`ri, — Hamma aroq shishalarimni topshirib yubordim, - debdi.

— Internetga kirib "Chiroyli, aqilli, qaddi-qomati kelishgan, mehribon qiz bilan tanishmoqchiman" deb yozib o`tirsam, bir zumda orzuimdagi go`zal orqamga kelib qolibdi. Faqat qo`lida o`qlov bilan kompyuterimga qarab turgan ekan...