Keksa jarroh shogirdiga dedi:
— Bugun sening birinchi operasiyang. Juda hushyor bo`l. Aks holda qo`lingni kesib olishing mumkin.

Jinni sahroda ketib boryapti. Azbaroyi isib ketganidan kiyimlarining hammasini yechib oldi. Qarasa, sal narida boshqa jinni kostyum, bo`yinbog` taqqan holda kelyapti. Qo`ltig`iga mashina eshigini qistirib olgan. Undan so`radi:
— Qayerga ketyapsan?
— Uyga.
— Shu kiyimda bo`g`ilib qolmaysanmi?
— Nega bo`g`ilarkanman? Mashinamning oynasi ochiq-ku!

Jinni jinniga dedi:
— Oshna, kel, men o`n ikki qavatli uy bo`laman. Sen ham shuncha qavatli uy bo`lasan-u, qarama-qarshi tomonda joylashgan bo`lasan. Men chiroqni yoqaman. Sen shu chiroq nuri ustidan mening oldimga o`tasan!
— Jinnimisan? Chiroq o`rtaga yetganimda o`chib qolsa-chi?

Qish, izg`irin sovuq ekan. Ko`chada ikkita eshak ketayotsa, yonidan kalta yubka kiygan bir qiz o`tib ketibdi.
Shunda birinchi eshshak ikkinchisiga qarab:
— Qara, bizdan ham terisi qalin jonivorlar bor ekan-a? - dermish.

Boshliq ishchiga qarab:
— Siz ishdan bo`shadingiz! - desa, ishchi:
— Bo`shadingiz??? G`alati...!? Qullarni sotiib yuborishar edi-ku?!

— Xo`sh dugonajon, bu iPhone senga qanchaga tushdi?
— Yigirmata janjalga, dugonajon...
— Voy, rossa qimmat ekan-da!?

Abonent yigit qizga SMS yozyapti:
"Menga turmushga chiqing!"
Yigitga SMS kelibdi:
"Hisobingizda mablag` yetarli emas. Iltimos hisobingizni to`ldirish uchun Rossiyaga borib ishlab keling!".

O`zbek tilini yaxshi bilmaydigan bir yigitning yuragi og`rib qolib:
— Qalbim og`riyapti, qalbim og`riyapti, - deb yiqila boshlasa, do`sti:
— Qanchalar go`zal so`zlar...! - deb qarab turaveribdi.
Nariroqda boshqa do`sti tushunib qolib:
— Ey ahmoq, bor "Tez yordam" chaqir! - dermish.

Bir yigitni uylantirishibdi. To`yda hammaga osh berishibdi-yu, kuyovga osh yetmay qolibdi.
To`y tugagach, kuyov go`shangaga kirmasdan, tashqarida xafa bo`lib o`tirgan ekan, dadasi:
— Ha o`g`lim, nimaga tashqarida o`tiribsan, kelinni yoniga kirmaysanmi? - desa,
— Kirmayman, - deb baqiribdi.
— Nega kirmaysan, - desa, o`g`li:
— Osh yeganlar kiraqolsin, - dermish.

— Jonimga tegib ketdi. Xotinim nuqul kech qolding, kech qolding deb, janjal qilgani qilgan.
— Ertaroq bor!
— Ertalab soat oltida borib ko`rdim! Baribir kech kelding, deydi.