Yangi yilning ertasi kuni bolakay do`konga kelib sotuvchidan so`radi:
— Non yangi kelganmi?
— Yo`q, o`tgan yili kelgan.

Qorboboga xat:
"Qorbobo, men sizdan yangi yilga oppoq Mersedes so`ragan edim. Orzularim amalga oshmadi-ku?! Hurmat bilan Shahzoda.
Qorbobodan javob:
"Hurmatli Shahzoda! Siz menga rahmat ayting! Chunki hamqishlog`ingiz Rustamni orzularini amalga oshirmaganim uchun...

Qish qanaqa kelsa qorbobo ham shunaqa bo`ladi.
Qor yog`sa qorbobo,
Yomg`ir yog`sa Loybobo.

Uch og`ayni suhbatlashib qolishibdi. Birinchisi:
— Men o`tgan yili yangi yilni Gavaya orollarida kutib olgandim.
Ikkinchisi:
— Men esa, okean tubida kutib olganman. Ajoyib bo`lgandi...
Uchinchisi:
— Ikkaloving ham men bilan choyxonada kutib olgansan! Kamroq ichish kerak edi!

Yangi yilga ikki kun qolganda rahbar ofisga kirib kelibdi:
— Assalomu alaykum, o`rtoq boshliq!
— Salom. Sen yangi kelganlardansan-a?
— Ha, shunday!
— Topishmoq aytaman top! "Kim ichmaydi, chekmaydi. Yangi yilda navbatchilikda qoladi!"
— ...

Yangi yil kuni yosh qiz xomush o`tirib:
— Qorbobodan sovg`aga "Ertaklardagidek, shahzoda meni qidirib kelsin!" deb so`ragan edim. Piyonista qo`shnim Timur aka eshigimni taqillatib kelishini nazarda tutmagandim...

- Namuncha xursandsan og`ayni?
- Kecha ishxonamdagilar bilan yangi yil o`tirishi bo`ldi. Kotibamiz mast bo`lib qoldi.
- Xo`sh xo`sh?!
- Men esa uni mastligidan rosa foydalandim.
- Odammas ekansan! Nimalar qilding? ))
- Hech kim yo`q joyga chiqib sekin uni telefonini olib o`zimning instagramdagi fotolarimga layk bosib chiqdim!

- Ulg`ayganingni qachondan boshlab his etding?
- Qorboboni soqoli paxtadan ekanini bilgan kunimdan boshlab.

Yangi yil oldidan biroz hayajondaman chunki 2017- yilni birinchi marta qarshilayapman...

— Meni bolalarim qorboboga xat yozishni allaqachon boshlab yuborishdi.
Qorbobo esa ularni yonginasida o`tirib, sovg`alar narxini hisoblab aqldan ozay deyabdi.