Qamoqxonada:
— Ozodlikda kasbing nima bo`lgan og`ayni?
— Talaba edim.
— Nega "o`tirding?"
— Kvant fizikasi fanidan darsni qoldirganim uchun...
— Ol-a!
Bunaqasi bo`lishi mumkin emas!
— O`sha kuni bankni o`margan edim...

Bir o`zbek bilan tatar kafega kirishibdi. Tatar 3ta bulochkani hech kimga bildirmay cho`ntagiga solib, o`zbekka maqtanayatganmish:
— Qara, shipirish degani shunaqa bo`ladi. O`rgan, student! — desa
O`zbek aytarmish:
— Shipirishni hozir senga o`rgataman, — debdi.
O`zbek sotuvchini oldiga borib:
— Xohlaysizmi, sizga fokus ko`rsataman?
— Qani, ko`riluchi?
— 3 ta bulochka bering!
— Mana!
O`zbek 3 ta bulochkani sotuvchini oldida paqqos tushirib, og`zini artayotsa, sotuvchi g`azablanib:
— Bulochkani yo`q qildingku, nomard! Shumi fokusing? — desa
— Bulochkangiz joyida, ana anu tatarni cho`ntagini qarang, — dermish

— Ha, Eshmat globus ko`tarib olibsan?
— Bayramga xotinimga sovg`a qilmoqchiman.
— Xotining o`qituvchi emasdiku.
— O`qituvchi bo`lmasa ham mening davrimda bir dunyoni ko`rsin.

Firma rahbari sekretariga:
— Bir haftaga komandirovkaga boramiz, uyingizga xabar bering, - debdi.
Sekretar eriga telefon kilib:
— Men bir haftaga komandirovkaga ketayapman, - debdi.
Er paytdan foydalanib o`ynashiga telefon qilib:
— Bir hafta menikida turasan, xotinim yo`q, - debdi.
O`ynashi repititor ekan, o`quvchisiga telefon qilib:
— Bir hafta o`qitolmayman, bir oz dam olgin, - debdi.
O`quvchi bobosiga telefon qilibdi:
— Bobojon meni bir hafta darsim yo`q ekan, meni shahar aylantiring.
O`quvchining bobosi haligi firma rahbari ekan, yo`q deya olmabdida sekretariga:
— Komandirovka qoldirildi, - debdi.
Sekretar eriga telefon qilib:
— Komandirovka qoldirildi, - debdi.
Er o`qituvchi o`ynashiga telefon qilib:
— Endi iloji yo`q, xotinim komandirovkaga bormaydigan bo`ldi.
O`qituvchi o`quvchiga telefon qilib:
— Dars o`tadigan bo`ldik, - debdi.
O`quvchi, bobosi firma rahbariga telefon qilib:
— Bobo shahar aylanish qoldirildi, boshqa safarga.
Firma rahbari sekretarga:
— Tayyorlaning komandirovkaga boramiz...

O`qituvchi:
— Boltaboyev, nega sen Lolani jinni deding? Qani darhol unga afsusda ekanligingni aytchi.
Bola qizni oldiga yaqinlashib:
— Lola meni kechir, jinniligingdan afsusdaman.

Talaba imtihonda yiqitgan domlasini ko`rib qoldi:
— Assalomu alaykum, domla!
— Men ahmoqlar bilan salomlashmayman.
— Men esa salomlashaman.

Bir universititet rektori, talabadan so`rabdi:
— Nimaga aynan bizni universitetni tanladingiz, - deb
Talaba javob beribdi:
— Qo`ysangizchi dada bunday savollarni...

Daraxt tepasida rektor, dekan va kafedra mudiri o`tirishgan ekan. Bir payt daraxt tagidan talaba o`tib qoldi.
Rektor:
— Kelinglar, uning oyog`i ostiga 10000 so`m tashlaymiz. Uni olib, hursandchilik uchun ichadi. Biz uni qo`lga tushurib, stipendiyasidan mahrum qilamiza.
Dekan:
— Yo`q, yaxshisi 50000 so`m tashlasak, butun gruppa ichadi. Hammasini stipendiyasini bekor qilamiza.
Kafedra mudiri dekan qulog`iga:
— Yaxshisi, rektorni daraxtdan itarib yuborsak, yarim soatdan so`ng butun institut hursandchiligidan ichadi.

Maktabga yangi o`qituvchi kelibdi. O`quvchilar uning atrofini o`rab olib, o`z maktablari, sinflari haqida beto`xtov gapira ketishibdi. Sinfdoshlar orqa partada o`tirgan o`quvchini ko`rsatib, o`qituvchiga tanishtirishibdi:
— Manavi Boltavoy-tentak bo`ladi.
Mana unga 500 so`mlik va 1000 so`mlik pulni bersangiz u doim rangi qizil bo`lgani uchun 500 so`mlikni oladi.
Bolalar Boltavoyni chaqirib, o`qituvchiga namoyish qilish uchun 500 so`mlik va 1000 so`mlik pul uzatishibdi. Boltavoy haqiqatdan ham 500 so`mlikni tanlabdi. Darslar tugagach, o`qituvchi Boltavoyni kabinetiga chaqiribdi va debdi
— Boltavoy, qarasam — matematikani unchalik yaxshi bilmaydiganga o`xshaysan. 1000 so`m 500 so`mdan ikki barobar ko`pligini nahotki bilmasang?!
— Albatta bilaman!
— Unda nega 500 so`mlikni tanlaysan?
— Muallim, agar men 1000 so`mlikni tanlasam, bolalar menga pul bermay qo`yishadi-da!

Birinchi sinfda o`qiydigan Xolmat, onasiga debdi:
— Oyi, bugun direktorimiz mendan: Sen oilada bitta farzandmisan?, - deb so`radi
— Ha sen bittasan. U nima dedi?
— Xudoga shukur, - dedi.