Ikki do`st suhbati:
— Nega xomushsan?
— Xotinimni ilon chaqib olgandi, o`lib qoldi, bechora. Rahmim kelyapti.
— Sen xotiningni yomon ko`rarding-ku! Nega achinyapsan?
— E-e-e... o`lgan xotinim emas, ilon-da!

— Zerikdingizmi? Sirlaringizni kimga aytishni bilmayapsizmi? Barcha sirlarni ochib, o`zingizni yengil his qiling! 102 qisqa raqamiga qo`ng`iroq qilib, barchasini ro`y-rost gapirib bering!

Diskotekadagi yigit bilan qiz suhbati:
— Seni ota-onang mabodo usta emasmi?
— Yo`q, nima edi?
— Sen o`zingdan kimni yasab olyapsan unda...?

— Botir, sen ingliz tilini bilasanmi?
— Ha, bilaman.
— Bo`lmasa, aytchi “nothing” so`zi nimani anglatadi?
— «Hech nima».
— Bo`lishi mumkin emas! U nimanidir anglatishi kerak!

Bir korxona rahbarini tug`ilgan kuni bo`layotgan ekan. Hamma qo`l ostidagilar:
— Tabriklaymiz xo`jayin! Uzoq umr, baxt-omad tilaymiz! Yana uzoq yillar bizga rahbarlik qiling!, - deyaverishibdi.
Bazm oxirida xo`jayin duoga qo`l ochib:
— Hamma menga ichida, qalbida nima niyatlar tilagan bo`lsa, o`ziga ham yo`ldosh bo`lsin!, - deb duo qilsa, mehmonlar duo qilmasmush ...

— Sen ablahsan! Bilasanmi, vafot etganingda ehson oshingga ham kelmayman, hatto!
— Men esa seni ehson oshingga albatta boraman!

Oyisi o`g`lidan so`rabdi:
— Oshxonada ikki bo`lak tort bor edi. Hozir uning bir bo`lagi qolibdi. Buni menga tushuntira olasanmi?
O`g`li:
— Albatta tushuntiraman oyi. Qorong`i edi shuning uchun ikkinchi bo`lakni ko`rmabman...

Bir qari badavlat odam kechqurun uyiga qaytsa, xizmatkori:
— Ha, qari to`nka! Qayerlarda yuribsan?!, - desa, boy pinagini buzmay:
— Qulog`imga eshitadigan apparat sotib olgani borgandim, - dermish.

— Dada, ilonlar ham gapiradimi?
Dadasi sekin qaynonasiga o`girilib qarab:
— Nabirangiz sizga savol beryapti?, - dermish.

— Agar men boshimni pastga, oyog`imni osmonga qilib tursam, qon boshimga keladimi?
— Albatta, janob.
— Unda nega tik turganimda, qon oyoqlarimga to`planib qolmaydi?
— Chunki oyoqlaringizni ichi bo`m-bo`sh emas-da!