— Aytginchi do`stim, pullarimni qayerda saqlasam bo`ladi? Bankdami yoki uydami?
— Eh og`ayni, meni cho`ntaklarim xizmatingga tayyor!!!

— Nimalarni o`ylab turibsan?
— Har bir xitoylik menga yuz so`mdan bersa yaxshi bo`lardi...

Kecha tunda o`g`limni yotog`ida uxlab qolibman. Ertalab uyg`onsam telefonimga uchta SMS kelibdi:
1:25 - Qayerdasan?
3:15 - Qayerlarda sang`ib yuribsan?!
4:20 - Bo`ldi, topdim! Uxlayver...

Bir erkak hushtori bilan restoranda o`tirsa, yoniga bitta odam kelib:
— Ayolingiz bilan raqsga tushsam maylimi?,- debdi.
— Yo`q, biz hali sharob ichmadik, - debdi boyagi erkak.
— Kechirasiz, ayolingizni raqsga taklif etsam maylimi?, - debdi yana.
— Yo`q, biz hali ovqatlanmadik, - deb javob beribdi.
Shunda ayol o`rnidan turib:
— Nega undan so`raysiz? O`zimdan so`rang!, - desa, ikkala kishi ham baravariga:
— Erkaklar gaplashayotganida sen jim tur!!!, - dermish.

— Allo, Nodirni mumkinmi?
— Uxlayapti.
— Agar uyg`onsa, do`sting qo`ng`iroq qildi deb qo`ysangiz.
— “Agar uyg`onsa” deganing nimasi???

Besh yoshli o`g`li adasidan so`rayapti:
— Ada, nimaga oyimning qorni ishib ketayapti?
Adasi:
— Oying tarvuz yeyayotganida urug`ini tushirmasdan yegan. Shunga qornida tarvuz o`sib chiqyapti.

Uchta dugona suhbatlashib o`tirishsa, birinchisi:
— Erim menga eng zo`r televizordan olib berdi. Uyda yangi filmlarni ko`rib o`tiribman, - debdi.
Ikkinchisi maqtanib:
— Meni erim esa iPhone7 olib berdi. Uyda o`tirib, kamera orqali erim bilan gaplasha olyapman, - debdi.
Uchinchisi esa:
— Erim meni kinoteatrlarga olib boryapti. Suhbatlashib, sayr qilib yuribmiz. Demak, meni ko`chada olib yurishga uyalmayapti, - dermish.

Ziyofatga ketayotgan xotin eriga qarab:
— Adasi, men kechroq qaytaman. Bolalarni ovqatlantirib qo`ydim, - debdi.
Eri:
— Mast holatda qaytmagin tag`in, - desa, xotini hayron bo`lib:
— Unda indinggacha bolalarga qarab o`tira olasizmi? — dermish.

— Adam meni kecha ogohlantirib, — Agar yana yarim tungacha kompyuterda o`tirsang, klaviaturaga burningni ishqalab tashlayman, - degan edilar.
Yana kompyuterda o`tiribman. Agar hozir ko`rib qolsalar, odypyshpzl1sh4shlvyqlmsatsfusa

— Kecha qizalog`im bilan mushukchani rasmini chizgandik, bugun hovlimizga qayerdandir mushuk bolasi kirib olibdi.
Bugun o`tirib, Malibu avtomobili, ikki qavatli dalahovli va tilla bilakuzuklarni rasmini chizmoqchimiz...