Ayolni tushunish judayam oson. U xuddi ochiq kitobga o`xshaydi: xitoy tilida yozilgan kvant fizikasi kitobi... Lekin har holda u ochiq.

Bir taksist qorong`ida uyiga qaytayotsa, bir kampir to`xtatib:
— O`g`lim meni qabristonga oborib qo`y, - desa
Taksist o`ziga o`zi:
— Bu arvohmi yoki odammi?
Yo`q yo`lim boshqa tomonga deb ketibdi. Ozgina yurib qarasa, kampir yonida yugurib ketayotganmish. Tezrok haydab ko`rsa, tengma-teng ketayotganmush. Taksist bu arvoh avariya qilib mendan alamini olmoqchi deb, mashinani to`xtatib, eshiklarini qulflab, ko`zini yumib o`tirsa.
Bir payt o`zini ozgina rostlagan kampir oynani taqillatib:
— Eshigingni och ko`ylagimni eshiging qisib qoldi, - dermish.

Bir yigit sevgan qiziga qarab:
— Jonim svetni o`chirgin, zo`r fokus qilaman, - desa.
Qiz ham unga qarab:
— Ha, keyin o`sha fokusingizni boqasizmi?, - dermish..

Yoshi ellikdan oshgan, soch-soqoli oqargan odam yosh bir qizga uylanibdi, sartaroshga borib:
— Usta, yaqinda uylandim. Sizga malol kelmasa, shu sochimdagi, soqolimdagi oqlarni olsangiz, - debdi.
Sartarosh pinagini buzmay mijozning soch-soqolini tagidan qirtishlab olibdi. So`ng olingan sochlarni haligi kishining oldiga qo`ydi.
— Kechirasiz, juda shoshilinch ishim chiqib qoldi. Sizga malol kelmasa, oqlarini ajratib tursangiz, - deb chiqib ketibdi.

Toshkentlik bir yigit kichikroq qishloqda avtobusga chiqib so`rabdi:
— Shalag`i chiqqan bu eski aravaga chiptaning narxi necha pul?
— Odatda bir qop poxol uchun 1000 so`mdan olamiz, — debdi haydovchi.

— Menga necha yosh berasiz, qani, toping-chi.
— Bir nima deyishga hayronman.
— O`zim yordamlashaman. Qizim bog`chaga boradi.
— Qizingiz bog`cha mudirasimi?

Sudya sudlanuvchiga:
— Nega o`zingizga himoyachi olmadingiz?!
Sudlanuvchi:
— Janob sudya qaysi advokatga murojaat etmay, jinoyat ishida aytilgan o`sha besh million dollarni xaqiqatdan olmaganimni eshitishlari bilan menga himoyachi bo`lishni rad etishyapti.

Qizi otasiga gapiryapti:
— Ertaga bo`lajak kuyov bola keladi va meni qo`limni so`raydi. Siz uni oyog`iga yiqilib, qo`llarini o`pib “Bizni haloskorimizsiz” - demasdan, oddiygina “Men roziman” deng.

Er ishdan kelsa, xotini oqsoqlanib yurganmish:
— Iye, xotin oyog`ingga nima qildi?
— Stulga chiqib oyna artayotganidim, yiqilib tushdim.
— Oyoq butunmi, sinmadimi ishqilib?
— Singani yo`q-ku, bir oz og`riyapti.
— Men sendan stulni oyog`ini so`rayapman?!

— Oilangizda yangi farzand tug`ildi, shekilli.
— Yangi deyishga ham tilim bormaydi. Baqirib-chaqirishidan ancha tajribasi borga o`xshaydi.